بسم اللہ لرحمن الرحیم
 
حیاتِ اقبال
 
 
براہوئی بدل
 
جوہرؔ براہوئی
 
 
 
اقبال اکادمی پاکستان
 
 
 
تیوہ حقاک خوندی ئُُ
	
 
	کتاب 			حیاتِ اقبال
	براہوئی بدل		جوہر براہوئی 
	بہائ			 
	کڑوک			۱۰۰۰
	شِینک			۲۰۰۶ء
	کمپوزر			براہوئی عطاء اللہ سرپرہ  
				فون: 03337864844
				الجمیل کمپوزنگ سینٹر کلی محمد شہی سریاب کوئٹہ
	چھاپ جہہ		
	چھاپفوک		اقبال اکادمی پاکستان
				۶منزل، ایوانِ اقبال
			ایجرٹن روڈ لاہور
 
 
 
پِنَٹ
 
 
	ورناغا عالم
	محترم پروفیسر سوسن براہوئی
	نا پِنَٹ
	کہ علم و ادب کہ
 	صدجہد کیک
 
					جوہر براہوئی
 
 
 
 
 
 
 
 
	خرّسی آن ہورکو میدان سے۔ پیہُنو کپوتس فضا ٹی چرخ کننگ ٹی ئِ۔ گاہس داخہ شیف بریک کہ داسا اِیسا ڈغار نا بخت سما کے، وَ گاہس داخہ بڑز کائک استارس مریک آسمان تو خُلنگک۔ داکان بھاز بندغاک دوتے ارفسا اودے ہلنگ نا کوشش ٹی ئُُ۔ کل گنوک مننگ ٹی او مگر کس نا دُوٹی بفک۔ مچٹو وختس گدرینگا۔ ناگمان شینک کرے و کنا جھول ٹی بس تما۔ آسمان آن ڈغار اسکان بلسم جوڑ مس۔
	شیخ نورمحمد دا تُغ ئِ خنا سما کرے تو تینا اُستے یقین تو پُر چائس۔ کہ خدا اودے مارس عطا کرو۔ دین اسلام نا خذمت ٹی پنی مرو۔ہندن مس۔ ۳ذوالقعد۱۲۹۴ ہجری کہ عیسوی حساب تو ۹نومبر مریک جمعہ نا دے ئِ دااسکان اَذان نا توار ئس کہ شیخ نورمحمد نا درویشی آ اُرا نا گیڈ سے ٹی ہمو غیبی آ بشارت صورت اٹ ظآہر مس۔ چنانا اولیکو توار آفاق ٹی تالان اَذان تا سُر آن جتا متو۔ شیخ نورمحمد خبر تو آسمان آ بال کروکائے چائس وَ پن محمد اقبال تخا۔
	شیخ نورمحمد کشمیر نا سپرو برہمن آتا نسل آن اس۔ غازی اورنگ زیب عالمگیر نا زمانہ ٹی اونا اسہ پیرہ اسلام قبول کرے۔ ہر پشت ٹی اسہ آخا اسہ ہندنو ضرور مس ایکہ بیرہ اُست تو کسر تخا۔ دا ہم ہمو اُست والاتے آن اس۔ بھلاک کشمیرے اِلار تو سیالکوٹ ٹی جہی مسُّر۔ اونا باوہ شیخ محمد رفیق کھڑیکان تا محلہ ٹی اُرا تورے۔ کشمیری شال و کھاس بہا کننگ نا کاریم شروع کرے۔ اندازہ مریک او (شیخ نورمحمد) و اونا چنکا ایلم شیخ غلام محمد داڑے ودی مسُّر۔ وَ لار ودھار وَ خلق خاہوتی مسُّر۔ پدان شیخ محمد رفیق بازار چوڑیگران ٹی ہنپے بس۔ کہ داسا بازار اقبال پاننگک۔ اسہ چنکو مکانس ہلک و ہموڑے جہی مس۔ آخریکو دم اسکان ہموڑے اس۔ اونا وفات آن پد شیخ نورمحمد ہمونا پہلو ٹی اِرا منزلی او جاگہ و اِرا دکان ہلک۔ تینا اُرائے شابیت کرے۔ اقبال ہندا اُراٹی ودی مس۔ بڑز انگا چَھت والا چنکو چنکو کمرہ دے ٹک پارہ غا یلہ مروکا روشندان، کچا ایوان تا مچٹ انگا شیفی ٹی جوڑ مروکا دیوالاتا نیام ٹی زندہ تیر کننگ نا عمل انسانی و فطری مریک۔ دا وڑنا اُراتا بنیاد ٹی تعلق آتا شدت ئس معلوم مریک۔ کہ اوفتے گاہس مُتکن مننگ اِلیپسہ۔ مکان و اوٹی جہی آ بندغ سنگت مریرہ۔ اوار وَلیرہ وَ ودھیرہ۔ محبت نا ہر لمحہ اسہ پوسکنو تجزیہ ئس مریک۔ہندن بندغ ٹی مختلف تجربہ واحساساتا چائنگداری و اوفتے اسہ ایلو تو اوار تخنگ نا قوت ودی مریک۔ ہندن زندگانی نا بِنا جوڑ مریک۔ ہراٹی چار پارہ نا کائنات بندغ نا اُست نا پہناد ٹی جہی مرسا کائک۔ جہان خننگ جان خننگ جوڑ مریک۔ اقبال ہندنو اُراسے ٹی بھلن مس۔ کہ اینو پھگہ نا خلق آتا بار بیرہ خل و کنکریٹ نا دمب الو۔ بلکہ مِش نا اُست بندی آ ترکوکا اسہ صورت ہراٹی اسہ خدا آباد باطن ہم شامل اس۔ ننا زمانہ نا بے بُن سہولیت آتے آن پاک دا اُرانا غیر مصنوعی آ ماحول ٹی اقبال خن ملا۔ بڑز انگا چھت و چوٹ خشت آتا فرش نا نیام آ باوہ نا توار حکم نا وڑ ودی کریکہ و لمہ نا کُٹ نا باسُنی ئِ پین زیات کریکہ۔ چراغ نا روشنائی ٹی خواننگ شروع کرے۔ او کہ گڑاتا تہاری آ لگیک۔ اوفتا تہہ ملیک۔ مگر اوفتا ضروری آ مام ئِ برقرار تخک۔ چراغ نا روشنائی ٹی خوانوکاک بھلو اُست و حقیقت شناس مریرہ۔
	شیخ نورمحمد دیندارو بندغس اس۔ مار کہ دینی تعلیم ئِ کافی چائس۔ سیالکوٹ نا بھاز جہی آ عالمات تو دوستی اس۔ اقبال بسم اللہ نا عمرے سر مس تو اودے مولانا غلام حسن اسکان دننگا۔ مولانا ابو عبداللہ غلام حسن، شوالہ محلہ نا مسیت ٹی درس تسکہ۔ شیخ نورمحمد نا ہموڑے ہِن وبر اس۔ داکان اقبال نا تعلیم شروع مس۔ دستور نا مطابق قرآن شریف تو ابتداء مس۔ تقریبا سال سے ا سکان دا سلسلہ ئس کہ اسہ دے شہر نا پنی آ عالم مولانا سید میر حسن ہنداڑے بس۔ اسہ چنا سے تولوک خنا۔ صورت آن عظمت و سعادت نا اولیکو تیرونک نظر بس۔ ہرّفے دِنا چنائے۔ معلوم مس تو ہموکان بش مس۔ شیخ نورمحمد اسکان بس۔ تومکاک اسہ ایلو آن خڑک واقف اسُّر۔ مولانا تاکید کرے سرپندہ کرے کہ تینا چنائے مدرسہ اسکان محدود تخپبو۔ داڑ کہ جدید تعلیم ہم بھاز ضروری ارے۔ او پارے کہ اقبال ئِ او نا تربیت ٹی الینگہ۔ مَنہ دے اسکان شیخ نورمحمد چُرت ٹی اس۔ ہراتم ایلو پارہ غا پاننگ زیات مس تو اقبال ئِ میرحسن نا حوالہ کرے۔ اونا مکتب شیخ نورمحمد نا اُراغان خڑک کوچہ میرحسام الدین ٹی اس۔ داڑے اقبال اردو، فارسی وَ عربی ادب خواننگ شروع کرے۔ مُسہ سال گدرینگار۔ دا نیام ٹی سید میرحسن اسکاچ مَش اسکول ٹی خوانیفنگ شروع کرے۔ اقبال ہم ہموڑے داخل مس مگر مُتکنا معمولاک تینا جاگہ غا اسُّر۔ اسکول آن بسکہ تو استاد نا خذمت ٹی سرمسکہ۔ میرحسن ہمو عظیم استاداتا یادگار اس ہرافتے کہ زندہ نا بیرہ اسہ مقصد مسکہ۔ خواننگ و خوانیفنگ۔ ولے دا خواننگ و خوانیفنگ نِلا کتاب خوانی نا پن الو۔ گچینا وختاتے ٹی استاد مرشد اسکہ۔ میرحسن ہم ہندن کریکہ۔ کل اسلامی علم آتے آن آگاہ اس۔ جدید علم آتے آ ہم تالانو نظر ئس اس۔ داڑان بیدس ادبیات، معقولات، لسانیات و ریاضی ٹی ہم مہارت تخاکہ۔ شاگرداتے خوانیفنگ وختا ادبی رنگ ارفیکہ تاکہ علم بیرہ حافظہ ٹی بند سلیپ بلکہ طرز احساس جوڑ مرے۔ عربی، فارسی، اردو وَ پنجابی نا ہزارا شعراک یاد اسُّرہ۔ اَسِہ شعر سے ملوئی مسکہ تو اونا وڑ نااِلاہی شعر بنفیکہ۔
	مولانا نا سبخ تننگ نا مصروفیات آک اسُّل بھاز اسُّر مگر مطالعہ نا عادت ئِ ہم قضا کتوکہ۔ قرآن نا حافظ اس۔ عاشق ہم اس۔ شاگرداتے ٹی شاہ صاحب نا پنٹ چاننگاکہ۔ انسانی تعلق نا بھاز خیالداری اس۔ حددرجہ مہر کروکا، سادہ قناعت پسند، سنجیدہ، عاجزی دوست تخوکا و خوش طبع بندغس اس۔ ہڑدے نا وڑ دا اس کہ صحب نا نماز آن پد قبرستان آہناکہ۔ سیال وَ سنگتاتا قبراتے آفاتحہ خواناکہ۔ فارغ مسکہ تو شاگرداتے انتظار ٹی خناکہ۔ واپسی والا کسر سبخ بننگ و تِننگ ٹی ایسر مسکہ۔ دا سلسلہ اُرا اسکان سرمننگ آن پد ہم جاری مسکہ۔ ہموتم اسکان کہ اسکول نا خڑک بسکہ زو ناشتہ کریکہ وَ اسکول کہ ہناکہ۔ شاگرداک اوار اسُّرہ۔ مچا دے اسکول ٹی خوانیفیکہ۔ بیگہ تو شاگرداتے تو اوار اُراغا بسکہ۔ ولدا نن اسکان درس جاری مسکہ۔ اقبال ئِ بھاز دوست تخاکہ۔ خود او ہم استاد کہ فدا اس۔ اقبال نا شخصیت نا مجموعی تشکیل ٹی ہرا عنصراک بنیادی وڑٹ گچین نظر بریرہ اوفتے ٹی بھازی شاہ صاحب نا صحبت و تعلیم نا کرشمہ ئِ۔ سید میرحسن، سرسیدے بھاز مَناکہ۔ علی گڑھ تحریک ئِ مسلمان تے کہ فائدہ والا چائسکہ۔ اونا اثر ٹی اقبال نا اُست ٹی ہم سرسید نا محبت ودی مس او کہ مَنہ اختلاف آتا باوجود آخریکو دم اسکان قائم اس۔ مسلمان آتا خیر خواہی نا جذبہ اقبال نا اُرانا گڑاس اس۔ مگر میرحسن نا رُمائشت دا جذبہ ئِ اسہ علمی وَ عملی ہبس ئس تِس۔ اقبال چائنگداری وَ ذہانت ٹی تینا کچہ انگا چناتے آن بھاز مونی اس۔ چنکی آن اوٹی سوچ و فکر موجود اس۔ کہ بھلا بندغاتے ٹی خننگک۔ ولے او کتاب نا پُھو اَلو۔ کتاب نا عادت تمہ تو بندغ بیرہ دماغی وجود جوڑ مریک۔ زندگانی و اونا نیام ٹی مُری ودی مریک۔ زندگی نا حقیقت و تجربہ غاک دماغ ٹی یخ تفوک سلیرہ۔ باسُنا دتر نا بخش جوڑ مفسہ۔ اودے گوازی نا شوق ہم اس۔ چناتے آن بار شوخی ہم اس۔ حاضر جواب تو بھاز اس۔ شیخ نورمحمد دا کل ئِ خناکہ مگر توتَوَکہ۔ چائسکہ دہن گڑاتے تو تینائی و بے تکلفی ودی مریک۔ ایکہ بھاز ضروری و فائدہ مند ارے۔ مطلب اقبال نا چنکی اسہ فطری شابیتی و بے ساختگی تو گدرینگا۔ قدرت اودے صوفی او باوہ وَ عالم استاد عطا کرے۔ ہراڑان اونا اُست و عقل آسرات مس۔ تومکاتا نشانہ اسٹ مس۔ داکہ اقبال اسکان سوچ و فکر نا بے مثال اسٹی نظر بریک۔ اونا پدرندا ہندا گڑا تُدے۔ باوہ نا قلبی فیض ہرا حقیقت آتے مچہ محسوس کرفے استاد نا تعلیم آن تفصیل تو معلومداری مس۔
	شانزدہ سال نا عمر ٹی اقبال میٹرک نا امتحان اولیکو درجہ ٹی پاس کرے۔ تمغہ و وظیفہ ملا۔ اسکاچ مشن اسکول ٹی انٹرمیڈیٹ نا کلاس آک شروع مسُّسُر۔ ہندا وجہاں اقبال ئِ ایف اے کہ پین تین ہنوئی تمتو۔ ہموڑے سلیس۔ دا ہمو زمانہ ئِ ہراتم اونا شاعری نا باقاعدہ آغاز مسُّس۔ ایہُن تو شعر و شاعری تو اونا مناسبت چنکی ٹی ظاہر اس۔ وخت وختا تینٹ شعر موزون کرے ولے دا باروٹ سنجید تو اَلو۔ نہ کسسے بنفیکہ نئے محفوظ تخاکہ۔ نوشتہ کریکہ و ہرّاکہ بٹیکہ۔ مگر داسا شعر گوئی اوڑکہ بیرہ اُست پسند سلیتو بلکہ روح نا خواست جوڑ مسُّس۔ ہمو وختا پورا برصغیر ’’داغ‘‘ نا پن تو ہم توار اس۔ خاص وڑٹ اردو زبان آ معجزانہ عبور نا ہر کسے اعتراف اس۔ اقبال ئِ ہندا عبور درکار اس۔ شاگردی کہ درخواست نوشتہ کرے گدارا کہ قبول کننگا۔ ولے اصلاح نا دا سلسلہ ہُرے اسکان جاری مننگ کتو۔ داغ جگ استاد اس۔ اوار انگا ہندوستان ٹی اردو شاعری نا اخس روپ اسُّر اوفتا جوڑنگ ٹی داغ نا قلم کل آن مونی اس۔ مگر دا (اقبال) رنگ اوڑکہ ہم پُوسکن اس۔ دا وخت اسکان اقبال نا کلام نا گچینا خصوصیت پاش متویسُس مگر داغ تینا بے مثالا بصیرت نا وجہاں چائس کہ دا جواہر دانہ ئِ تراشنگ مفک۔ دا پاننگ تو فارغ کرے کہ اصلاح نا گنجائش نہ مننگ نا برابرے۔ مگر اقبال دا مختصر انگا شاگردی آ ہمیشہ ناز ٹی اس۔
	اقبال نا برام ہم ہمو زمانہ ٹی مس۔ ۶مئی ۱۸۹۳ء نا دے میٹرک نا نتیجہ نا خبر مس تو اقبال حنام دُو تولوک اس۔ جن سیالکوٹ آن گجرات کہ روانہ مننگ ٹی اس۔
	۱۸۹۵ء ٹی اقبال ایف اے کرے و زیات خواننگ کہ لاہور آ بس۔ داڑے گورنمنٹ کالج ٹی بی اے نا کلاس ٹی داخلہ ہلک۔ و ہاسٹل ٹی جہی مس۔ تینکہ انگریزی، فلسفہ و عربی نا مضموناتے گچین کرے۔ انگریزی و فلسفہ گورنمنٹ کالج ٹی خواناکہ وَ عربی خواننگ کہ اورینٹل کالج نا کلاساتے ٹی شریک مسکہ۔ ہراڑے مولانا فیض الحسن سہارنپوری کونا مثالی آ استاد موجود اس۔ ہمو وخت اسکان اورینٹل کالج، گورنمنٹ کالج نا عمارت نا اسہ صحیح سے ٹی قائم اس۔ توما کالج آتا نیام ٹی مضمون آتا سلسلہ ٹی اسہ ایلو تون تعاون وَ اواری نا سلسلہ جاری اس۔
	۱۸۹۸ء ٹی اقبال بی اے پاس کرے و ایم اے (فلسفہ) ٹی داخلہ ہلک۔ داڑے پروفیسر ٹی ڈبلیو آرنلڈ نا تعلق حاصل مس۔ ایکہ مون مُستی اقبال نا علمی و فکری زند نا اسہ مضبوط ئُُ رخ مقرر کرے اِلا۔
	مارچ ۱۸۹۹ء ٹی ایم اے (فلسفہ) نا امتحان تِس و مچا پنجاب ٹی اول بس۔ دا نیام ٹی شاعری نا سلسلہ ہم جاری اس۔ مگر مشاعرہ آتے ٹی ہنتوکہ۔ نومبر ۱۸۹۹ء نا اسہ شام آ مَنہ بے تکلف سنگت آک اودے حکیم امین الدین نا اُراغا مشاعرہ نا محفل ٹی دریر۔ بھلو بھلو تاج خواجہ استاداک شاگردات تو بھلو تعداد سے تو شریک اسُّرہ۔ بنوکاتا ہم مچی اس۔ اقبال ہمر کہ بالکل پُوسکن اس۔ ہمو وجہ غان اونا پن ئِ مُہنا دُور ٹی توار کننگا۔ غزل خواننگ شروع کرے۔ ہراتم دا شعر آ سر مس کہ
موتی سمجھ کے شان کریمی نے چُن لیے
قطرے جوتھے مرے عرق انفعال کے
	مرزا ارشد گورگانی ہجم کرے۔ بے اختیار مرسا داد تِس۔ ہندا کان اقبال نا شاعر نا حیثیت اٹ مشہوری شروع مس۔ مشاعرہ غاتے ٹی خاص وڑٹ بٹنگفنگاکہ۔ ہندا زمانہ ٹی انجمن حمایت الاسلام تو تعلق ودی مس کہ آخر اسکان قائم سلیس۔ اونا قومی و سماجی جلسہ آتے ٹی تینا کلام بنفیکہ و جلسہ ٹی اسہ کیفیت ئس تالان کریکہ۔ اقبال نا مقبولیت انجمن نا بھاز انگا کاریم تے آسان کرے۔ کم ازکم پنجاب نا مسلمان تے ٹی سماجی کچھ اسکان دینی وحدت نا سوچ ودی مننگ شروع کرے۔ ہراٹی اقبال نا شاعری بنیادی کردار ادا کرے۔
	ایم اے پاس کننگ آن پد ۱۳مئی ۱۸۹۹ء آ اورینٹل کالج ٹی میکلوڈ عربک ریڈر نا حیثیت اٹ اقبال نا مقرری مس۔ ہمو سال آرنلڈ ہم عارضی وڑٹ قائم مقام پرنسپل مقرر مسُّس۔ اقبال چار سال اسکان اورینٹل کالج ٹی مس۔ نیام ٹی شش تُو نا رخصت ہلک۔ گورنمنٹ کالج ٹی انگریزی خوانیفے۔ اعلیٰ تعلیم کہ کینیڈا یا امریکہ غا ہننگ خواہاکہ مگر آرنلڈ نا پاننگ آ دا مقصد کہ انگلستان وَ جرمنی ئِ گچین کرے۔ ۱۹۰۴ء ٹی آرنلڈ ہراتم انگلستان آ ہنا تو اقبال اونا مُری ئِ بھاز محسوس کرے۔ اُست پاریکہ بال تو انگلستان ئِ سر مرے۔
	اورینٹل کالج ٹی تینا چار سال نا خوانیفنگ والا وخت ٹی اقبال اسٹبس نا ’’ارلی پلائی جانٹس‘‘ وَ واکرنا ‘‘پولیٹیکل اکانومی‘‘ نا تلخٰیص و ترجمہ ئِ کرے۔ شیخ عبدالکریم الجیلی نا نظریہ ئِ ’’توحید مطلق‘‘ آ انگریزی مقالہ ئس نوشتہ کرے۔ وَ ’’علم الاقتصاد‘‘ نا پنٹ اردو ٹی چنکو کتاب ئس جوڑ کرے۔ ۱۹۴۰ء ٹی چھاپ مس۔ اردو ٹی تینا موضوع نا ردٹ اولیکو کتاب آتے آن ارے۔
	اورینٹل کالج ٹی میکلوڈ عربک ریڈر نا حیثیت اٹ ملازمت نا وخت پورا مس تو جون ۱۹۰۳ء ٹی اسسٹنٹ پروفیسر نا حیثیت اٹ اقبال نا گورنمنٹ کالج ٹی مقرری مس۔ مُہٹ او انگریزی خوانفسا کرے پدان فلسفہ خوانیفنگ آ مقرر مس۔ خوانیفنگ نا سلسلہ ۱۹۰۵ء نا باسُنی نا چھٹی تے اسکان جاری سلیس۔ ہمودم اسکان یورپ آ ہننگ کہ مُسہ سال نا رخصت ہلک و یکم ستمبر ۱۹۰۵ء آ لاہور آن روانہ مس۔
	ہندا زمانہ ٹی اقبال نا شاعری ٹی مَنہ دہنو گڑاتا اظہار شروع مس کہ اردو نا شعری روایت ٹی اسہ قابل قدر ودیکی معلوم مننگ ٹی اس۔ مثلاً فطرت نگاری، ایہُن ہم اقبال نا وخت ٹی فطرت نا منظر آتے آشاعری نا اسہ تحریک ئس چلاسس۔ مگر ہمو شاعراتا رسائی بیرہ فطرت نا خن خنوکا پہلو اسکان اس۔ ہراتم اقبال نا ابتدائی کلام ٹی جوان درشان اس کہ فطرت بیرہ نگاہ اسکان محدود اف بلکہ اُست و عقل نا ہم موضوع سے۔ داڑان بیدس اونا ہمو وخت نا غزل و نظم آتے ٹی سیاسی فلسفہ وَ اوار انگا ہندوستان ٹی رواج خنوکا تصوف نا تصوراتا اظہار نا بِنا مس۔ داڑن زیات چناتے کہ نظم نوشتہ کرے و مغربی شاعری نا مَنہ منظوم ترجمہ کرے۔
	اقبال دہلی و بمبئی آن مرسا ۲۵دسمبر ۱۹۰۵ء نا دے کیمبرج ٹی سر مس آرنلڈ نا وجہ غان زوت ’’ٹرنٹی کالج‘‘ ٹی داخلہ ملا۔ ہمر کہ کالج ٹی ریسرچ اسکالر نا حیثیت تو گچین کننگاسس۔ ہمو وجہاں عام طالب علم آتے آن بار ہاسٹل ٹی اڈ ہلنگ نا پابندی الو تو او (اقبال) ۱۷پرتگال پلیس ٹی جہی مس۔ بیرسٹری کہ ۶نومبر نا دے ’’لنکنز اِن‘‘ ٹی داخلہ ہلک۔
	سرعبدالقادر ہم داڑے اس۔ ہندا زمانہ ٹی کیمبرج نا استاداتے ٹی وائٹ ہیڈ، میگ ٹیگرٹ، وارڈ، برائون وَ نکللس کونا مثالی و پنی آ ہستیک ہم اسُّرہ۔ میگ ٹیگرٹ و نکللس تو اقبال نا خڑک رابطہ اس۔ بلکہ نکللس تو برابر دوستی و بے تکلفی اس۔ البتہ میگ ٹیگرٹ تو تعلق ہمیشہ شاگردی والا سلیس۔ اونا سبب میگ ٹیگرٹ نا علمی بھلنی تو اوار اوار اونا عمر ہم اس۔ او اقبال آن جوان بھلن اس۔ ہراتم کہ نکللس تو سال سن نا خاص فرق الو۔
	میگ ٹیگرٹ،ٹرنٹی کالج ٹی کانٹ و ہینگل نا فلسفہ خوانیفیکہ۔ تینٹ ہم انگلستان نا بھلا فلسفی تے ٹی حساب کننگاکہ۔ برائون و نکللس عربی وَ فارسی زبان آتا ماہر اسُّرہ۔ وخت سے آن پد نکللس اقبال نا فارسی مثنوی ’’اسرار خودی‘‘ نا انگریزی ترجمہ ہم کرے۔ ایکہ اقبال ئِ داخہ دوست بتو مگر ہمونا وجہاں انگریزی خوانایورپ نا شعری و فکری حلقہ غاتے ٹی اقبال نا پن و کاریم نا دیخہ تعارف ضرور مس۔ انگلستان آن پدائی بننگ آن پد ہم میگ ٹیگرٹ و نکللس نا اقبال تو خط وکتاب جاری سلیس۔
	آرنلڈ لندن یونیورسٹی ٹی انگریزی خوانیفیکہ۔ اوڑتو ملنگ کہ اقبال باقاعدگی تو کیمبرج آن لندن آ ہناکہ۔ ہر معاملہ ٹی اوڑان مشورہ ہلنگ آن پد گڑاس کاریمس کریکہ۔ اونا رُمائشت تو میونخ یونیورسٹی ٹی پی ایچ ڈی کہ رجسٹریشن کرفے۔ کیمبرج آن بی اے کننگ آن پد جولائی ۱۹۰۷ء ٹی ہائیڈل برگ آ ہنا تاکہ جرمن بولی ہیل کرسا میونخ یونیورسٹی ٹی تینا تحقیقی مقالہ نا باروٹ ہمو زبانی امتحان نا تیاری مرے کہ ہمو زبان ٹی مروئی اس۔ داڑے چار تُو گدارا۔The Development of Metaphysics in Persia  (ایران ٹی مابعد الطبیعات نا اِرتقا) نا عنوان تو تینا تحقیقی مقالہئِ مُست داخل کرفیسُس۔ اسہ زبانی امتحان نا مرحلہ سلوک اس۔ اوڑان ہم سرخروئی تو کامیاب مس۔ ۴نومبر ۱۹۰۷ء نا دے میونخ یونیورسٹی ڈاکٹریٹ تِس۔ ۱۹۰۸ء ٹی دا مقالہ اولیکو وار لندن آن چھاپ مس۔ انتساب آرنلڈ نا پنٹ اس۔
	ڈاکٹریٹ ملا تو جرمنی آن پدائی لندن کہ بس وَ بیرسٹری نا فائنل امتحاناتا تیاری ئِ شروع کرے۔ مَنہ تُو آن پد کل امتحاناک مکمل مسُّر۔ جولائی ۱۹۰۸ء ٹی نتیجہ بس۔ کامیاب قرار تننگا۔ اوکان پد انگلستان ٹی زیات سلیتو۔ وطن کہ واپس مس۔
	لندن ٹی اڈ ہلنگ وختا اقبال مختلف سرحالات آ لیکچراتا اسہ سلسلہ ہم شروع کریسس۔ مثلاً اسلامی تصوف، مسلمان تا یورپ ناتہذیب آ اثر، اسلامی جمہوریت، اسلام و بندغی آ عقل وغیرہ، بد قسمتی اٹ اسٹ نا ہم ہچو ریکارڈ ملپک۔
	اسہ وار آرنلڈ مرغنو رخصت سے آ ہنا۔ تو اقبال اونا جاگہ غا لندن یونیورسٹی ٹی مَنہ تُو کہ عربی نا پروفیسر مس۔
	مئی ۱۹۰۸ء ٹی ہراتم لندن ٹی آل انڈیا مسلم لیگ نا برٹش کمیٹی نا افتتاح مس تو اسہ اجلاس سے ٹی سید امیر علی ئِ کمیٹی نا صدر گچین کننگا وَ اقبال ئِ مجلس عاملہ نا باسک مقرر کننگا۔
	انگلستان ٹی اڈ ہلوکا زمانہ ٹی اسہ وختس او شاعری ئِ یلہ کننگ نا سوچاسس۔ مگر آرنلڈ وَ تینا خڑک انگا سنگت شیخ عبدالقادر نا رُمائشت آ دا اِرادہ ئِ اِلا۔ ہندا زمانہ ٹی او فارسی ٹی شعر گوئی نا پارہ غا سنجیدگی تو متوجہ مس۔
	یورپ ٹی اڈ ہلنگ وختا اقبال نا اِرا بنیادی خیال بدل مننگ شروع مسُّر۔ اقبال وطنی قومیت و وحدت الوجود نا پارہ غا شوق تخاکہ ولے او ہبس مُری ٹی بدل مننگ ٹی اس۔ خاص وڑٹ وطنی قومیت نا نظریہ نا او داخہ خلاف مس کہ اودے ملت اسلامیہ کہ تباہ کروکا سرپند مننگ ٹی اس۔
	یورپ ٹی سر مننگ تواودے مغربی تہذیب او اونا روح ٹی شامل مختلف تصوراتے ٹی خوڑت ہُننگ نا موقعہ ملا۔ یورپ نا رعب ٹی خیر او گاہس بتو۔نہ یورپ ہننگ آن مُست نہ ہموڑے سر مننگ آن پد۔ بلکہ مغرب نا فکری، معاشی، سیاسی و نفسیاتی بڑزی آن خن تے ہڑسیفنگ آن بغیر او دنیا نا بربیری تو امت مسلمہ نا گدرینگوکا عروج نا ولدا پٹنگ کہ اسہ شابیت او دائرہ سے آ سوچنگ شروع کرے۔ داحد اسکان کہ اوڑا مغربی فکر و تہذیب ٹی ڈکوکا بے گشادی پاش مس۔ کیمبرج ٹی اڈ ہلوکا تینا پدیکو دے تے ٹی اسہ غزل ئس پارے ہراٹی دا کل ہیتاک الہامی سُر تو بیان مسُّر۔
 
سنا دیا گوش منتظر کو حجاز کی خامشی نے آخر
جو عہد صحرائیوں سے باندھا گیا تھا پھر اُستوار ہوگا
نکل کے صحرا سے جس نے روما کی سلطنت کو اُلٹ دیا تھا
سنا ہے یہ قدسیوں سے میں نے وہ شیر پھر ہوشیار ہوگا
دیار مغرب کے رہنے والو، خدا کی بستی دکان نہیں ہے
کَھرا جسے تم سمجھ رہے ہو وہ اب زرِ کم عیار ہوگا
تمھاری تہذیب اپنے خنجر سے آپ ہی خودکشی کرے گی
جو شاخ نازک پہ آشیانہ بنے گا ناپایدار ہوگا
خدا کے عاشق تو ہیں ہزاروں، بنوں میں پھرتے ہیں مارے مارے
میں اس کا بندہ بنوں گا جس کو خدا کے بندوں سے پیار ہوگا
میں ظلمتِ شب میں لے کے نکلوں گا اپنے درماندہ کارواں کو
شرر فشان ہوگی آہ میری، نفس مرا شُعلہ بار ہوگا
	قومیت پرستی نا مسئلہ آ اقبال ئِ چائنگداری ملاسس کہ دا وڑنا ہچو تحریک ئس مسلماناتا ملی تشخص و دینی وجود کہ بھاز نقصان تروکائے۔ او جوان چائسس کہ اگر قومیت پرستی نا خیال اسلامی ملکاتے ٹی یا دنیا نا ایلو ہنداتے آ مصروف عمل مسلمان تے ٹی بس تو ایمان نا اسٹی نا بنیاد ڈِھرو۔ وَ مسلمان، مسلمان نا لخ خلو ئِ۔ ہمو زمانہ ٹی اسہ پین غزل سے نا اِرا شعر ٹی ہندا ہیت پاریسس۔
نرالا سارے جہاں سے اس کو عرب کے معمار نے بنایا
بِنا ہمارے حصار ملت کی اتحاد وطن نہیں ہے
کہاں کا آنا کہاں کا جانا فریب ہے امتیاز عقبیٰ
نمود ہر شے میں ہے ہماری، کہیں ہمارا وطن نہیں ہے
۱۹۰۹ء اسکان سر مرسا اقبال برصغیر ٹی ملکی قومیت نا بنیاد آ ہندو مسلم اتحاد نا خیال آن مکمل وڑٹ تینے کَشا۔
	یورپ ٹی اڈ ہلوکا وخت ٹی اقبال نا اُست و سوچ ٹی وَلوکا دا تبدیلی بیرہ اسہ ہورکو خیال سے نا تبدیلی اَلّو۔ بلکہ او ٹی اسہ تقدیری شان ئس اندر اس۔ ہرا بندغاک ہر گڑائے بیرہ علمی و کتابی رخ تو ہُننگ نا ہیل اریر۔ اوفک اقبال نا روح آن ودی مروکا دا انقلاب نا حقیقت اسکان سَر مننگ آن لاچار مریرہ کارہ۔ سوچنگ نا ہیت دا اف کہ برصغیر ٹی جتا مسلم قومیت نا تصور کل آن اول دِنا دماغ ٹی بس۔ ہُروئی دا ارے کہ دا تصور نا عملی ڈول دیر تِس۔ ظاہرے کہ تحریک پاکستان نا اِشتاف انگا پیش منظرے مونا تخسا دا باروٹ اِرا رائے مننگ کپک کہ متحدہ ہندوستان نا مسلمان تے ٹی تینا ہَڈٹ جِتا انگا تشخص نا شعور و اونا حاصل کننگ نا سخت ہبس اللہ تعالیٰ نا توفیق تو بیرہ اقبال وَدی کرے۔ پدان قائداعظم بس و باقی بلکہ اصل کاریم اونا دُو آن ایسر مس۔
	ٹھیک ہمو زمانہ ٹی فارسی نا پارہ غا اونا طبیعت نا شوق ہم بھاز حقیقت ئِ پیدوار کیک۔ داتو مونی او ہیت سے کہ فارسی بولی ٹی اردو نا مقابلہ ٹی تخیل، عقل وَ جذبہ نا شابیتی اخس زیات ارے۔ و اقبال نا شاعری بلکہ اونا شخصیت ٹی دا مُسہ گڑا مثالی یکجائی تخارہ۔ لہٰذا فارسی زبان و ادب آن اونا سگھ نا لازمی آ خواست اس کہ او اودے ہم تینا اظہار نا اسہ بھلو ذریعہ جوڑ کے۔ مگر دا معاملہ اقبال نا شعری شخصیت نا اظہار اسکان محدود الو۔ دانا پد رند آ مسلمان تے کہ اونا ہمو اُست نا بیقراری شامل اس کہ ہرانا نتیجہ اول پاکستان نا جوڑ مننگ پدان ایران نا انقلاب و افغانستان نا جہاد نا صورت ٹی مونا بس۔ نن اینو اعتماد و یقین تو پاننگ کینہ کہ علامہ نا فارسی شاعری کم آن کم ایشیاء نا حد اسکان مسلمان آتا تاریخی و تہذیبی شعور و اونا مِلی احساس نا طرزے جوڑ کننگ ٹی اسہ بنیادی بشخ نا درجہ تخک۔
	مختصر دا کہ دا نیام ٹی تعلیم تو اوار اقبال نا شاعری ہم تینا کمال نا درجہ غاتے طے کرسا نظر بننگ ٹی ئے۔
	جولائی ۱۹۰۸ء ٹی وطن کہ روانہ مس۔
	بمبئی آن مرسا ۲۵جولائی ۱۹۰۸ نا نن دہلی ئِ سر مس۔ دوست و سنگتاک بخیرٹ کہ بروک اسُّرہ۔ ایلو دے مَنہ سنگت آتے تو حضرت نظام الدین اولیاء محبوب الٰہی نا دربارآحاضر مس۔دے ئِ ہموڑے گدارا ۔شام تو غالب نا قبرا ھِنا وَفاتحہ خوانا۔
	۲۸جولائی ۱۹۰۸ء نا دے پیشیم نا گاڑی ٹی لاہورے سر مس۔ اسٹیشن آ اُست نا حب تو بخیرٹ مس۔ یاراک اونا اعزاز ٹی اسہ بھلو تقریب سے نا بندوبست کریسُر۔ اوٹی شریک مس و ہمو دے شام تو گاڑی آسیالکوٹ کہ روانہ مس۔ اُست خواہی کروکاتا اسہ ہجوم ئس پلیٹ فارم آ خن کسرا اس۔ باوہ، بھلا ایلم و ایلو سنگت سیالاک موجود اسُّرہ۔ پھل نا ہارتے بیروک اسٹیشن آ پیشن بس و اُرانا پلو آ روانہ مس کہ ہراڑے اونا دوست انگا ہستی لمہ گودی انتظار ٹی اس۔
	اگست ۱۹۰۸ء ٹی اقبال لاہور آ بس۔ تُو کھپ سے آن پد چیف کورٹ پنجاب ٹی وکالت شروع کرے۔ دا کاریم ئِ مَنہ دے گدرینگار کہ ایم اے او کالج علی گڑھ ٹی فلسفہ وَ گورنمنٹ کالج لاہور ٹی تاریخ نا پروفیسری پیش کننگا۔ مگر اقبال تینکہ وکالت مناسب چائس و توم ادارہ آتے آن بشخنداری خواہا۔ البتہ پدا پنجاب حکومت نا درخواست و بھاز پاننگ آ ۱۰مئی ۱۹۱۰ء آن گورنمنٹ کالج لاہور ٹی عارضی وڑٹ فلسفہ خوانیفنگ شروع کرے۔ داڑتو اوار وکالت ئِ ہم جاری تخا۔ مرسا مرسا مصروفیات آک زیات مرسا ہنار۔ بھاز ادارہ و انجمن آتے تو تعلق داری مس۔
	۱۸مارچ ۱۹۱۰ء ٹی حیدرآباد دکن نا سفر کرے۔ ہموڑے اقبال نا مُتکنا سنگت مولانا گرامی مُستان موجود اس۔ دا سفر ٹی اکبر حیدری و مہاراجا کشن پرشاد تو دوستی نا بِنا مس۔ مارچ نا بیست و مُسہ آ حیدرآباد آن واپس مس۔ اورنگزیب عالمگیر نا مقبرہ نا زیارت کہ کسر ٹی اورنگ آباد ٹی دڑا۔ اِرا دے ہموڑے اڈ ہلک۔ ۲۸مارچ ۱۹۱۰ء نا دے لاہور ٹی سر مس و اسہ وار ولدا تینا کاریم تے ٹی گٹ مس۔ ۱۹۱۰ء ٹی علی گڑھ نا سفر کرے و سٹریجی ہال ٹی The Muslim Community: A Socialogical Study نا عنوان تون خطبہ پیش کرے۔ اوکان پد مولانا ظفرعلی ’’ملت بیضا پر ایک عمرانی نظر‘‘ نا پنٹ اونا اردو بدل ئِ چھاپ کرے۔ دا خطبہ ہندوستان نا مسلمان تا بروکا وخت نا نقطہ نظر تو اہمیت تخک۔ معلمی وَ وکالت اوڑدہ کننگ مشکل مرسا کرے۔ آخر ۱۳دسمبر ۱۹۱۰ء ٹی گورنمنٹ کالج آن استعفیٰ تِس۔ پدان ہم اسہ نہ اسہ حیثیت اٹ کالج تو تعلق برقرار تخا۔ بیرہ اسہ گورنمنٹ کالج آخا بلکہ پنجاب و برصغیر نا پین اَخس جامعات تو ہم اقبال نا تعلق مسُّس پنجاب، علی گڑھ، الہ آباد، ناگ پور وَ دھلی یونیورسٹی تا ممتحن مس۔ دافتے آن سوا بیت العلوم حیدر آباد دکن کہ ہم تاریخ اسلام نا پرچہ غاتے جوڑ کرسا کرے۔ وختس زبانی امتحان ہلنگ کہ علی گڑھ، الہ آباد، ناگ پور وغیرہ کہ ہم ہنوئی تما۔ ممتحن نا حیثیت اٹ اسہ وَ بے بدل مروکو اصول ئس تینا کریسس۔ ہڈ خڑک انگا سنگت سے کہ ہم سفارش نا دربند اس۔
	۲مارچ ۱۹۱۰ء ٹی پنجاب یونیورسٹی نا فیلو گچین کننگا۔ مُستی مختلف وختاتے ٹی رینٹل اینڈ آرٹس فیکلٹی، سینٹ و سنڈیکٹ نا ممبر ہم مس۔ ۱۹۱۹ء ٹی اورینٹل فیکلٹی نا ڈین مقرر کننگا۔ ۱۹۲۳ء ٹی یونیورسٹی نا تعلیمی کونسل نارکنیت ملا۔ ہموسال پروفیسر شپ کمیٹی ٹی ارفنگا ۔تینا بے حد مصرفیت آتے آن مجبور مرسا تعلیمی کونسل آن استعفیٰ تِس مگر یونیورسٹی نا وائس چانسلر سرجان منیارڈ استعفیٰ منظور کتو و اونا پارہ غا داخہ زور شاغنگاکہ اقبال اونا خاطران استعفیٰ پدائے ہلک۔ دا نیام ٹی پنجاب ٹیکسٹ بک کمیٹی نا ہم رکن مس۔ میٹرک نا شاگرداتے کہ فارسی نا نصابی کتاب ئس ’’آئینہ عجم‘‘ جوڑ کرے کہ ۱۹۲۷ء ٹی شائع مس۔ اوڑان مُست پنچ، شش،  ہفت و ہشت میکو جماعت آتے کہ حکیم احمد شجاع نا اواری اٹ اردو کورس نا پنٹ نصابی کتاب آتے جوڑ کریسس۔
	مطلب پنجاب یونیورسٹی تو اقبال عملاً ۱۹۳۲ء اسکان متعلق اس۔ بیستمیکو صدی نا اولیکو دہ سال ٹی پنجاب نا مسلمان آبادی ٹی اسہ جمود بروک اس۔ پاننگ نا حد اسکان مسلمان تے ٹی اِرا سیاسی بشخ موجود اسُّرہ۔ مگر توم فریقاک مسلمان تا حقیقی تہذیبی، سیاسی وَ معاشی مسئلہ غاتے آن مُر اسُّرہ۔ اوفتے آن اسٹ نا مہداری سرمحمد شفیع نا دوٹی اس۔ و ایلو سرفضل حسین نا رندٹ اس۔ دسمبر ۱۹۰۷ء ٹی آل انڈیا مسلم لیگ کراچی اسہ اجلاس ئس بٹنگا۔ سرمحمدشفیع و سرفضل حسین ہم تینا تیناحمایت کروکاتے تو سر مسُّر۔ طے مس کہ پنجاب ٹی صوبائی مسلم لیگ قائم کننگہ۔ دا فیصلہ آ زُو عمل مس۔ میاں شاہ دین صدر جوڑ کننگا وَ سرمحمد شفیع سکریٹری جنرل۔ سرفضل حسین عملی وڑٹ جتا سلیس۔ اقبال دا کل کماشاتہ تو دوستی نا سلسلہ تخاکہ مگر عملی سیاست آن او تینے غیر وابستہ تخا۔
	۱۹۱۱ء اسکان متحدہ ہندوستان نا بھاز انگا مسلمان رہنماک سرسید نا فرمان نا مطابق انگریز حکومت تو وفاداری نا دم ہفیرہ۔ ولے ۱۹۱۱ء وَ ۱۹۱۲ء نا نیام نا وخت ٹی حالتاک  اسہ کسر ہننگ ٹی اسُّرہ۔ انگریز ہم ہند خواہاکہ مگر ہندوک دا منصوبہ نا ہڈ مخالف اسُّر۔ اوفتا پارہ غان تشدد نا کسر روا تخنگا تو انگریز حکومت اوفتے تو مون تِس۔ بنگال نا بخشنگ منسوخ کننگا۔ دا صدمہ مسلمان رہنماتا خن تہ مَلا وَ اوفتا مُست والا انداز فکر نا غلطی اوفتے آ پاش مس۔ اوفتے داسا احساس مس کہ تینا قومی و سیاسی زند نا تحفظ کہ بیرہ سرکار نا وفاداری آ مُخ تفی یا انگریزاتا جوڑ کروکا آئینی ذریعہ اختیار کننگ ناکافی و بے مقصد ارے۔ بقول مولانا شبلی نا بنگال بخشنگ نا منسوخ مننگ مسلمان تا کَلک آ ہندنو شامات سے نا برابر اس ہرا اوفتا مون نا رُخ ئِ ہڑسا اِلا۔
	بنگال بخشنگ نا منسوخ مننگ والا اعلان مس تو یکم فروری ۱۹۱۲ء نا دے موچی دروازہ لاہور ٹی مسلمانک اسہ احتجاجی جلسہ اڈ تسُّر۔ ہرا ٹی اقبال ہم شریک مس۔ مقرراک بھاز جذباتی و جم و جوش تو تقریر کریر۔ اقبال نا وار بس تو تقریر کہ بش مس۔ بنوکاتے محسوس مننگ ٹی اس، مسلمان تا گم مروکا عظمت نا مینار اوفتے تو مخاطب ئِ۔
’’مسلمان تے تینا ترقی کہ تینٹ نَت و دُو خلنگ بایدے۔ بخالاتے دا اسکان انت کہ مِلانے اوفتا کوشش اٹ مِلانے۔ اسلام نا تاریخ ئِ ہُربو او انت پاہک۔ عرب نا علاقہ ئِ یورپین استاداک ردی و بیکار خل نا پن ترسا دا پاریسُر کہ داخل آ ہچو بنیادس سلنگ کپک۔ ایشیاء و یورپ نا قوماک عرب آن نفرت کریرہ۔ مگر عرباک ہراتم ہوش سنبھالار تینا طاقت آن کاریم ہلکُر تو داخل دنیانا ایوان تمدن نا محراب نا کلیت جوڑ مس۔ و خدا نا قسم روما (روم) کونا جلال تخوکا بادشاہی ہم عرباتا طوفان نا مونا سلنگ کتو۔ دا ہمو قوم نا حالتے کہ تینا طاقت آ سلیس‘‘۔
	دا تقریر آن مجمع ٹی جاری لمحہ آتا و بے کچ جوش تینا قوم نا زند ہ تشخص کہ درکار مقصد تخوکا طاقت ٹی بدل مس۔ ایکہ دا اسکان محدود اس۔ مگر مُستی اودے بھلو شابیتی خنوئی اس۔
	دا صحیح ارے کہ مسلمان تا مَنہ حلقہ غاتے ٹی بیداری نا نشانیک وَدی مرسا کریر ولے دا بیداری نا مرکزاک اسہ ایلو آن بے چکار چنکو چنکو جزیرہ غاتے آن بار بشخوک اسُّرہ۔ متفقہ مِلی کماشی حاصل الو۔ نتیجہ تی مسلمان تے ٹی متحدہ ہندی قومیت نا رحجان تماسس۔ مسلم لیگ و ہندو کانگریس نا اجلاس آک اوار مننگ ٹی اسُّر۔ دا اسکان اقبال عملی سیاست آن جتا اس۔ مگر مسلم قومیت نا دا اصول آ پورا سگھ تو سلوک اس ہرا کہ اوڑا انگلستان ٹی اڈ ہلنگ والا زمانہ ٹی پاش مس۔
	یورپ آن پدائی بننگ آن پد ۱۹۱۴ء اسکان نا زمانہ اقبال نا بنیادی فکر نا تشکیل و تکمیل نا زمانہ اس۔
	۹نومبر ۱۹۱۴ء نا دے اقبال نا لمہ جیجا اللہ تعالیٰ ئِ بکار مس۔ اقبال نا ذاتی زندگانی ٹی دا غم کل آن زیات اس۔ لمہ نا جتائی آن اونا حیاتی نا طرز ختم مس۔ 
	اکبر الہ آبادی قطعہ تاریخ گداراکہ گور نا شکی آ نوشتہ کرفے
مادر مرحومہ ئِ اقبال رفت
سوئے جنت زیں جہان ئِ بے ثبات
گفت اکبر بادل پر درد و غم
’’رحلت مخدومہ‘‘ تاریخ وفات 
	۱۳۳۳ ہجری
	دا موقعہ غا اقبال ہمو عظیم آ مرثیہ ئِ نوشتہ کرے ہرا نا عنوان اس
’’والدہ مرحومہ کی یاد میں‘‘
	۱۹۱۵ء نا نیام ٹی اِسرار خودی شائع مس ۔ہراتم کہ ’’رموزِ بے خودی‘‘ ۱۹۱۷ نا آخرٹی مکمل مس ۔اقبال نا خودی والا تصور ہمو مثنوی تے ٹی بھاز وضاحت و شابیتی تومونا نا بس۔ گڑاس حلقہ غاتے ٹی مَنہ غلط فہمیک ہم ودی مسُّر ولے تاریخ اوفتا ازالہ کرے۔ دا توم مثنویک مسلمان تا اسہ بھلو کڑدہ سے نا طرز احساس ئِ بدل کریر اِلار۔
	پنی آ مستشرق ڈاکٹر نکلسن اسرار خودی نا انگریزی بدل کرے کہ ۱۹۲۰ء ٹی لندن آ چھاپ مس۔ دا ترجمہ نا اشاعت آن پد اخس مغربی ادیباک مثنوی آ تبصرہ کریر۔ مشہور آ امریکی ادیب و نقاد ہربرٹ ریڈ نا تبصرہ نیو ایج ٹی چھاپ مس۔ او اقبال نا ہمسری امریکی فلسفی، شاعر والٹ وٹمین تو کرسا نوشتہ کرے کہ دا مثنوی ہندوستان نا مسلمان ورناتا خیالاتے ٹی قیامت ئس بش کرینے۔ اسہ ہندی مسلمان داحد اسکان نوشتہ کرینے کہ اقبال ننے ٹی مسیحا مثال ظاہر مسُّنے۔ ایکہ مُڑدہ جسماتے ٹی تازہ غا زند نا موج شاغانے۔ اقبال نا باریک بینی و علم، فکر نا رنگاتے آن ایمان نا اسٹی ودی کرینے۔ اسہ ہندنو علم سے کہ بیرہ مکتب و مدرسہ غاتے اسکان محدود اس۔ اسہ عالمگیر کُلو نا صورت ترسا دنیا نا مونا تِخانے۔ دا سببئِ کہ اقبال انسان کامل نا خیال نا سچائی نا چائنگداری نطشے و وٹمین نا مقابلہ ٹی زیات سوگوی تو کرینے۔
	یورپ ٹی جنگ عظیم شروع مسُّس۔ اونا اثر ہندوستان ٹی ہم پاش مس۔ انگریزی حکومت نا رویہ سخت مرسا ہنا۔ ایکہ جنگ نا ایسری آن پد ہم برقرار سلیس۔ انگریزی حکومت ناخلاف تحریک آک زور ہلسا ہنار۔
	۱۳اپریل ۱۹۱۹ء نا دے امرت سرشہر نا جلیانوالہ باغ ٹی اسہ احتجاجی جلسہ کننگا۔ بدنام زمانہ جنرل ڈائر بندغاتے پلویڑ ٹی ہیس و بے کچھ فائرنگ کرفے وَ صدا بندغاتے کھسفے۔ پاننگ نا حد اسکان اقبال ہمو زمانہ ٹی خانہ نشینی اختیار کریسس۔ مگر دا حادثہ نا توار اونا اُستے ہم سر مس۔ وَ او کھٹوکاتہ کہ دا شعراتے پارے۔
ہر زائر چمن سے یہ کہتی ہے خاک پاک
غافل نہ رہ جہاں میں گردوں کی چال سے
سینچا گیا ہے خون شہیداں سے اس کا تخم
تو آنسوئوں کا بخل نہ کر اس نہال سے
عبدالمجید سالک تینا کتاب ذکر اقبال ٹی نوشتہ کیک۔
’’داسا پورا ملک مذہب وَ ملت نا فرق آن بغیر احتجاج و نفرت نا مرکز مننگ ٹی اس۔ مسلمان تا اُستاتے آ جلیانوالہ باغ و پنجاب آ مروکا ظلم آتے آن زیات ٹھپ ترکی نا شکست آن لگاسس۔ ہرانا وجہ آن خطرہ اس کہ آل عثمان تُرکاتا آزادی و خودمختاری ئِ مِش تے تو اوار کننگو۔ خلافت اسلامیہ نا تخت نا چار پارہ غان فرنگیک کرگس آن بار بال ٹی اسُّرہ‘‘۔
	ہمو سال ستمبر نا تُو ٹی مولانا محمدعلی جوہر چار سال نا نظر بندی ئِ ایسر کرے۔ آل انڈیا مسلم لیگ کانفرنس نا ہمو مشہور آ احتجاجی جلسہ ٹی شریک مننگ کہ لکھنو ٹی سر مس۔ ہراٹی خلافت کانفرنس جوڑ مس۔ خلافت کانفرنس نا جوڑ مننگ تو مسلمان آک بھلو آسر وتخاسُر۔ مگر بدقسمتی اٹ مستی او کانگریس تو اتحاد کرے وَ اونا لیڈراک گاندھی ئِ تینا قائد منّار۔ اقبال صوبائی خلافت کمیٹی نا باسک اس ولے حالت آتا دا تبدیلی اونا خلافت نا کماشاتے تو سخت اختلاف ودی کرے۔ اختلاف نا سبب اِرا ہیت اسُّرہ۔
	اول دا کہ اقبال دا حق ٹی الوکہ خلافت وفد مذاکرات کہ انگلستان آ کائے۔ او دادے انگریزاتا چال سرپند مسکہ۔
	ایلو دا کہ او بخالات تو اوار عدم تعاون تحریک ئِ چلفنگ مسلمان تے کہ نقصان چائسکہ۔ انتئے کہ ہچو قابل قبول ہندو مسلم معاہدہ آن بغیر بیرہ انگریز دشمنی نا اوار انگا بنیاد آ متحدہ قومیت نا ناقص تصور مسلمان تا جتا اِنگا ملی حیثیت ئِ ختم کروئے۔
	دا اختلافاک حل متوس تو اقبال صوبائی خلافت کمیٹی آن جتا مس۔
	اقبال نا بصیرت چائسس کہ خلافت عثمانیہ نا مستقل خدشہ ٹی ہندا او جہان مسلمان قوماتا مِلی اتحاد نا بنیاد اونا بدل آن پین اصول سے آ تخنگہ۔
	۱۶اپریل ۱۹۲۲ء نا دے انجمن حمایت اسلام نا سالانہ جلسہ ٹی اقبال تینا مرغنا نظم ’’خضرراہ‘‘ بنفے۔ عبدالمجید سالک ہموڑے موجود اس۔ او نوشتہ کیک۔
’’اسہ تو دا نظم اقبال نا شاعرانہ تخیل و بدیع اسلوب نا زیب پورا روشنائی تے تو ٹک تروک ئس و اسہ اسہ شعر آ ذوق سلیم تخوکاک وجد ٹی اسُّرہ۔ ایلو ہمو ٹی علامہ جنگ عظیم نا سلسلہ ٹی فاتح قوماتا دھاندلی، اوفتا شیطانی سیاست، سرمایہ داراتا فریب مزور نا بیداری، عالم اسلام خاص وڑٹ آل عثمان ترکاتا بیوسی آ اثر تخوکو خوش بیان تبصرہ کرینے وَ دا سلسلہ ٹی نسلی قومیت ایلو رنگ وَ دتر نا فرق نا خیالاتے آ خوب وار کرینے‘‘۔
	اقبال نا شاعری آ اسہ نعتیہ فضا تالان ئِ۔ اونا تینا ہم ہندا حال اس۔ اونا پورا شخصیت نا چائنگداری اگہ اسہ لقب سے تو مننگ کیک تو اوارے۔ عاشق رسول اکرم صلی اللہ علیہ وسلم‘‘ اسہ واقعہ سے آ سما تمک کہ اودے نبی کریم صلی اللہ علیہ وسلم تو اسہ خاص نسبت عنایت مسُّس۔
	جنوری ۱۹۲۰ء نا اسہ دے اس اودے خط ئس ملا۔ ہرادے نوشتہ کروکا نا پن و پتہ الو۔ نوشتہ کریسُس کہ نبی کریمﷺ آستا دربار ٹی نما اسہ خاص ہند سے۔ ہرانا نمے سما اف۔ اگر نم فلاں وظیفہ ئِ خوانرے تو نمے اونا چائنگداری مریک۔ ہمو وظیفہ ہم خط ٹی نوشتہ اس۔ خط نوشتہ کروکا تینا پن ئِ ہم نوشتہ کتویسس۔ تو اقبال اودے کس سے نا مسخرہ چائس و دا بشارت آخف توتو۔ مَنہ دے خط تخوک اس۔ پدان دانگ اینگ مس ہنا۔ دا اسکان چار تُو گدرینگار کہ عجیبو واقعہ ئس مس۔ ہرادے اقبال تینا اسرار خواجہ باوہ نا خذمت ٹی نوشتہ کرے گدارا۔
	ملخدو نا واقعہ سے کہ کشمیر نا اسہ پیرزادہ ئس کنتو ملنگ کہ بس۔ اونا عمر قریباً سی یا سی پنچ سال مرو۔ شکل آن شرافت نا نشانی معلوم مسُّرہ۔ گفتگو ٹی ہوشیار، سوچ تخوکا و خوانندہ ئُُ بندغس معلوم مسکہ۔ مگر داڑان مُست کہ او کنتو ہیت کے کنے خنا تو بے حد ہوغا۔ ای سرپند مسّٹ کہ شاید مصیبت سے ٹی آختہ ئِ وَ کنے آن مددس خواہیک۔ ہرّفیٹ تو پارے کہ ہچو مدد نا ضرورت اف۔ کنے آ خدا نا بھلو فضل سے۔ کنا بھلاک اللہ تعالیٰ نا نوکری کریر وَ ای اوفتا پنشن ئِ کُنیوہ۔ ہوغنگ نا سبب خوشی ئِ غم اف۔ پورا کیفیت ہرّفنگ آ پارے ’’نوگام ٹی کہ کنا خلق سرینگر آن خڑکے۔ ای عالم کشف ٹی نبی کریمﷺ نا دربارے خناٹ۔ نماز کہ صف سلوک اس۔ تو حضور سرور کائنات ﷺ ہرّفے کہ محمداقبال بسُّنے یا آخا؟ معلوم مس کہ محفل ٹی ساڑی اف۔ ہموتم اسہ بزرگ سے اقبال نا ہترنگ کہ گدارنگا۔ پاس سے آن پد ای خناٹ کہ ورنائو بندغس ہرانا ریش کوٹ کروک اس و رنگ ٹی پیہُن اس۔ ہمو بزرگ تو اوار نماز نا صف ٹی خواجہ سرور کائنات ﷺ نا راستیکو پارہ غا سلیس۔ پیرزادہ صاحب پائک کہ داکان مُست نما شکل آن واقف الویسُٹ۔ نہ پن نا سما اس۔ کشمیر ٹی اسہ بزرگ نجم الدین صاحب ارے۔ ہموڑے اسکان ہناٹ دا مچا قصہ ئِ بیان کریٹ تو او نما بھلو تعریف کرے۔ او نما تحریراتا ذریعہ چائسکہ۔حالانکہ او نمے گاہس خنتنے۔ ہمودے آن ای ارادہ کریٹ لاہور ٹی نم تون ملوٹ۔ بیرہ نما ملاقات نا خاطران کشمیر آن ای سفر کرینُٹ و نمے خناٹ تو کنے بے اختیار ہوغنگ بس۔ دا وجہ غان کہ کنے آن کنا کشف نا تصدیق مس۔ جملہ بدل کبو نماھَرا انتئے کہ ہرا نما شکل ئِ ای کشف نا حال ٹی خناٹ ہمو ٹی پُژہ سے نا برابر فرق اف۔‘‘ دا ہیتے کہ بنگُٹ تو کنے ہمو وختا گم نام خط اُستا بس کہ ہمونا ہیتے خط نا اول سر ٹی کرینُٹ۔ کنے سخت پشووانی مننگ ٹی ئِ و روح بھلو درد و بے قراری نا حال ٹی ئِ۔ کہ ای انتئے ہمو خط ئِ زیان کریٹ۔ داسا کنے ہمو وظیفہ یاد اف کہ خط ٹی لکھوک اس۔ نم مہربانی کبو دا مشکلی نا علاجس پابو۔ انتئے کہ پیرزادہ صاحب پارے کہ نما متعلق ای انت کہ خناٹ او نما باوہ لمہ نا دعاتا نتیجہ ارے۔
	یکم جنوری ۱۹۲۳ء نا دے اقبال ئِ سر نا لقب ملا۔ اونا مُتکنا سنگت میر غلام بھیک نیرنگ تینا دا فکر نا اظہار کرے کہ داسانم شاید آزادی اظہار آن کاریم ہلنگ کروفیرے تو اقبال اونا جواب ٹی نوشتہ کرے۔
’’ای دا اعزازنا اطلاع نمے تینٹ تسُّٹہ ولے ہرا دنیا نا ای و نم اڈ ہلوکاک ارین، دا دنیا ٹی دا وڑنا واقعہ غاک احساس آن شیف اریر۔ صد خط وَ تار بسنُر و بننگ ٹی او و کنے عجیب ہلیک کہ بندغاک دا گڑاتے انتئے عزتی چارہ۔ باقی سلیس ہمو خُلیس کہ ہرانا نمے احساس مسُّنے تو سوغندے خدائے ذوالجلال نا ہرا نا قبضہ ٹی کنا جان و عزت ارے و سوغندے ہمو مہربان لائق احترام وجود (صلی اللہ علیہ وسلم) نا ہرا نا وجہ غان کنے خدا غا ایمان نصیب مس و مسلمان پارفوہ دنیا نا ہچو قوت کنے حق پاننگ آن توننگ کپک۔ انشاء اللہ العزیز‘‘
	۳۰مارچ ۱۹۲۳ء نا دے انجمن حمایت اسلام نا جلسہ ٹی اقبال تینا مشہور آ نظم ’’طلوع اسلام‘‘ خوانا۔ دا نظم یونانی تے آ ترکاتا فتح نا موقعہ آ نوشتہ کننگا۔ نظم انت سے مسلمان تا روشن مستقبل نا کُلو سے۔
دلیل صبح روشن ہے ستاروں کی تنک تابی
اُفق سے آفتاب اُبھرا گیا دور گراں خوابی
	مئی ۱۹۲۳ء ٹی ’’پیام مشرق‘‘ چھاپ مس۔ اونا مطلبے تینٹ اقبال دہن بیان کرینے۔
	پیام مشرق نا تصنیف نا سوچ تروکا حکیم حیات گوئٹے نا مغربی دیوان ارے۔ اونا مطلب بھازیکان ہمو اخلاقی، مذہبی وَ ملی حقیقت آتے مونا ہتروئی    ارے۔ ہرانا تعلق فرد و قوماتا اُست نا تربیت ارے۔ داڑان صد سال مُست نا جرمنی و دے ٹک (مشرق) نا موجودہ آ حالت ٹی گڑاس آخا گڑاس اسٹی ضرور ارے۔ ولے حقیقت دادے کہ جہان نا قوماتا اُست نا بیقراری نا جوان اندازہ ہم بیرہ دا وجہان خلنگ کتوس کہ تینٹ ہمو بے قراری آن متاثر اریر۔ اسہ بھلو روحانی و تہذیبی انقلاب نا مُہہ ارے۔ یورپ نا جنگ عظیم اسہ قیامت ئس اس۔ ایکہ مُتکنا دنیا نا نظام ئِ بھازیکان ہر پَلو آن فنا کرے اِلا وَ داسا تہذیب و معاشرہ نا ہس آن فطرت، حیاتی نا شابیتی ٹی اسہ پُوسکنو آدم سے وَ اونا اڈ ہلنگ کہ اسہ پُوسکنو دنیا سے جوڑ کننگ ٹی ئِ۔ ہرانا مُجی آ خاکہ ننے حکیم آئن سٹائن و برگسان نا تصنیف آتے آن ملیک… دے ٹک (مشرق) و خاص وڑٹ اسلامی مشرقی صدی تے آن مُرغنا تُغ ان پد خن پِست کرینے۔ مگر مشرق نا قوماتے دا محسوس کننگ بایدے کہ زندگانی تینا چار پَلو ٹی ہچو وڑ سے نا انقلاب ودی کننگ کپک۔ ہراتم مُست آن اونا تہہ نا شابیتی ٹی انقلاب مف۔ و ہچو پُوسکنو دنیا ئس پیشن آن وجود ہلنگ کپک۔ ہراتم اسکان کہ اونا وجود اول بندغاتا ضمیر ٹی جہہ متنے‘‘۔
	اقبال نا فارسی مجموعہ آتے ٹی فکری رِدٹ جاویدنامہ وَ زیبائی (جمالیاتی) نا لحاظ اٹ زبور عجم اسہ جتائو شان تخرہ۔ تاہم پیام مشرق ئِ دا انفرادیت حاصل ارے کہ اوٹی فلسفہ نا فکر و شاعری نا زیب تینا انتہائے سر مرسا اسٹ مسُّنو۔ دا کتاب ٹی اقبال نا گچینا فارسی نظم آک شامل اریر۔ مثلاً تسخیر فطرت، نوائے وقت، حیات جاوید، فصل بہار، افکار انجم، سرود انجم، خدا وَ بندغ نا نیام ٹی ہیت وگپ، تنہائی، شبنم، جوئے آب، نوائے مزدور وغیرہ، رباعی و غزلاک دافتے آن بیدس اریر۔
	فارسی نا گڑاس مجموعہ بسُّر تو سنگتاتا خواست مس کہ اردو کلام نا مجموعہ ہم بننگ بایدے۔ مگر دا خواست ئِ قبولیت گڑاس ہُرے آ ملا۔ انتئے کہ اقبال تینا اردو نظم آتے آ نظر ثانی کننگ خواہاکہ۔ ہرانا کہ اودے وخت مِلتوکہ۔ آخر ۱۹۲۴ء ٹی اول اردو مجموعہ بانگ درا نا چھاپ کرفنگ نا وار بس۔ اقبال نا فکری و فنی بڑزی نا چائنگداری کہ بانگ درا نا جتائو شان سے۔ جملہ ہرادے اونا ( دیباچہ) ٹی سرشیخ عبدالقادر نوشتہ کیک۔
’’خدا نا شکرے کہ داسا اردو کلام تو شوق تخوکاتا دا مُتکنا خواہش پورو مس وَ اقبال نا اردو نظم آتا مجموعہ چھاپ مننگ ٹی ئِ۔ اوکہ دو صد نوود پنہ غا تالان ئِ۔ و مُسہ حصہ آ بشخوکے۔ حصہ اول ٹی ۱۹۰۵ء اسکان نا نظم آک اریر۔ ارٹمیکو حصہ ۱۹۰۵ء آن ۱۹۰۸ء اسکان نا ومسٹمیکو حصہ ٹی ۱۹۰۸ء آن اینو اسکان نا اردو کلام ارے۔ دعویٰ تو پاننگ مریک اردو ٹی اینو اسکان دہنو شاعری نا ہچو کتاب موجود اف۔ ہراٹی خیالاتا داخدر بھازی مرے و داخہ مطلب و حقیقت آک اسہ جاگہ غا مریر۔ انتئے مف کہ اسہ صدی نا چہارک نا مطالعہ تجربہ و مشاہدہ نا خُلاصہ و سیل سفر نا نتیجہ ئِ‘‘۔
	غزلاتے آن بیدس بانگ درا ٹی مِش ٹی خاچوکاتے آن سوال، تصویر درد گورستان شاہی، شکوہ، جواب شکوہ، بزم انجم، شمع و شاعر، حضور رسالتماب، لُمہ گودی نا یاد ٹی، خضرراہ وَ طلوع اسلام کونا مشہور نظم آک شامل اریر۔ اقبال چناتے کہ ہم گڑاس نظم نوشتہ کرے۔ ہمو کل دا مجموعہ ٹی بسنُر۔
	خلافت کانفرنس مسلمان تا جذبہ غاتے بش کرسا اوفتے ہندن تینا گیر ٹی ہلکسُس کہ مسلم لیگ نا وجود خن تے آن اندر مس ہنا۔ ۱۹۲۴ء ٹی قائداعظم محمد علی جناح نا دے و نن کوشش اٹ زو زندہ مس۔ ایکان پنجاب ٹی ہم مسلم سیاست بے وڑی نا شکار اس۔ مسلمان تے ٹی شہر والا و خلقی آنا جنگ بش مسُّس۔ ایکہ یونونینسٹ پارٹی ئِ ودی کرے۔ ۱۹۲۳ء نا صوبائی گچینی تا وختا اقبال آ زور شاغنگاکہ کہ قانون ساز مجلس نا گچینی تے ٹی بشخ ہلے۔ مگر او انکار کرے۔ انتئے کہ اونا خڑک انگا سنگت بیرسٹر میاں عبدالعزیز ہمو حلقہ آن تینا امیدواری نا اعلان کریسس۔ ایکہ اقبال کہ تجویز کننگاکہ۔ اقبال معمول نا مطابق وکالت ٹی مصروف اس کہ ۱۹۲۶ء بس۔ ہمو سال پنجاب نا قانون ساز مجلس نا لَووارہ گچین مروئی اس۔ سنگتاک ولدا زور شاغار۔ دا وار میاں عبدالعزیز پارے کہ او ہم اقبال نا مقابلہ ٹی بش مروف۔ بلکہ اونا کمک کرو۔ دا وار اقبال مَنّا امیدواری نا باقاعدہ اعلان چھاپ کننگا۔ گچینک مسُّر۔ ظاہرے کہ کامیاب بیرہ اقبال ئِ مروئی اس۔ کونسل تی یونینسٹ پارٹی گیشتر اس۔ اونا قوت ئِ مسلمان تا قومی مفاد کہ استعمال کننگ کہ اقبال یونینسٹ پارٹی ٹی شامل مس۔ ہراتم دا پارٹی نا جوڑ مفروکا خرابی تے خنا تو اقبال جتا مس۔ باقی وخت اسہ تنہا باسک سے نا حیثیت اٹ گدارا۔ ہمو سال پنجاب نا صوبائی مسلم لیگ نا سکریٹری جوڑ کننگا۔ ہراڑان برصغیر نا مسلم سیاست نا کسر اوڑا ملنگا۔ داسا اقبال عملی سیاست ٹی تینا گام ئِ تخاسس۔
	بخالاتا پارہ غان شُدھی و سنگھٹی کونا بدنام زمانہ تحریک آتا زور اس۔ ہرانا وجہ غان گام گام آ ہندو مسلم فساداک مننگ ٹی اسُّرہ۔ دا فتنہ ئِ توننگ کہ مسلماناتے ٹی ہم مختلف تبلیغی مشن جوڑ کننگارہ۔ غلام بھیک نیرنگ دہنو اسہ جماعت سے تو کمک کہ نوشتہ کرے تو علامہ اقبال تینا خذمتاتے پیش کرسا نوشتہ کرے۔
’’کنے اسکان تبلیغ اسلام نا کاریم دا وختا کل کاریم تے آن اہم ارے۔ اگر ہندوستان ٹی مسلمان تا سیاسی مقصد بیرہ آزادی و اقتصادی ترقی ارے و حفاظت اسلام دا مقصد نا بنیاد اف۔ ہمر کہ اینو پھگہ نا قوم پرست آتا رویہ غان چائنگک۔ تو مسلمانک تینا مقصد ٹی گاہس کامیاب مروفس‘‘۔
خننگ ٹی دا اِرا سادہ جملہ اریر مگر علامہ نا ہندا ارشاد ٹی تحریک پاکستان نا جوہرجہی ئِ۔
	جون ۱۹۲۷ء ٹی زبور عجم چھاپ مس۔ مولانا گرامی تو کتاب نا ہیت کرسا نوشتہ کرے۔
’’کنا کتاب ’’زبور عجم‘‘ ختم مسُّنے۔ اسہ اِرا دے ٹی کاتب اسکان ہنو و پانزدہ دے نا نیام ٹی چھاپ مرو۔ اونا چہار بشخ اریر۔ اولیکو حصہ ٹی بندغ نا راز نیاز خدا تون، ارٹمیکو حصہ ٹی آدم نا خیالاک آدم نا باروٹ، تومکاتا طرز غزلاتا موافق ارے۔ یعنی جتا جتا غزل ڈول بشخ اریر۔ مسٹمیکو بشخ ٹی مثنوی گلشن راز (محمود شبستری) نا سوالاتا جواباک اریر۔ اونا پنے ای مثنوی گلشن راز جدید تجویز کرینُٹ۔ چار میکو بشخ ٹی اسہ مثنوی سے۔ ہرانا پن ای بندگی نامہ تجویز کرینُٹ۔ مثنوی نا مضمون دادے کہ غلامی (مے گیری) نا اثر فنون لطیفہ مثلاً موسیقی و مصوری وغیرہ آ انت مریک‘‘۔
	۲ جنوری ۱۹۲۹ء نا دے اقبال دہلی آن جاندمی ہند نا دورہ غا روانہ مس۔ ہمیڑے الٰہیات اسلامیہ نا پُوسکنا تشکیل نا موضوع آ مدراس، میسور، بنگلور، وحیدآباد دکن ٹی خطبہ تِس۔ جنوری نا آخر ٹی لاہور ٹی بس۔ اوکان پد مُسہ زیات خطبہ آتا اضافہ تو Six Lectures on Reconstruction of Religious thought in Islam نا پنٹ چھاپ مس۔
	۱۹۲۹ء ٹی افغانستان تون اقبال نا عملی تعلق نا ابتداء مس۔ ۱۷جنوری ۱۹۲۹ء نا ٹی بچہ سقہ امیر امان اللہ خان افغانستان نا والی ئِ ملک آن پیشن کشا کابل آ قبضہ کرے۔ پورا ملک خانہ جنگی ٹی ہلنگا۔ آخر جنرل نادر خان بچہ سقہ نا سزا تننگ کہ بش مس، اقبال اودے چائسکہ۔ علامہ مختلف ذریعہ آتے اٹ اونا کمک کرے۔
	جنرل نادر خان ئِ مالی کمک تننگ کہ اقبال برصغیر نا مسلمان تا پنٹ اسہ اپیل شائع کرے۔ ہرادے ہُرن تو ہندن محسوس مریک کہ اینو نن ہم اونا مخاطب ارین۔
	’’دا وختا اسلام ہزار میل والا سرزمین و لکھ آتا خاسا اسلام نا فرزند آتا زند بود خطرہ ٹی ئِ۔ و اسہ درد مند و غیرتی آ ہمسایہ مننگ نا حیثیت اٹ ہندوستان نا مسلمان تے آ لازم مریک کہ اوفک افغانستان ئِ فنا نا تہو نا آخریکو شامات آن بچفنگ کہ ہخدر بہادری نا کوشش کننگ کیرہ تو کیر‘‘۔
	فلسطین ٹی یہودی تا وَدّھوکا تشدد آن پُر انگا غلبہ و خاص وڑٹ مسجد اقصیٰ نا اسہ حصہ سے آ اوفتا نا پاک قبضہ نا خلاف مچا ہندوستان نا مسلمان اتا احتجاجی جلسہ غاک مننگ ٹی اسُّرہ۔ ۷ستمبر ۱۹۲۹ء نا دے اقبال نا صدارت ٹی ہندنو اسہ بھلو جلسہ ئس مس اقبال تینا خطبہ ٹی پارے۔
’’دا ہیت اصل غلط ارے کہ مسلمان تا ضمیر وطن نا محبت آن ہورکے۔ البتہ دا صحیح ئِ کہ حب وطن آن سوا مسلمان آتا اُست ٹی دین و اسلام نا محبت نا جذبہ ہم اسہ خاسا موجود مریک وَ دا ہمو جذبہ ئِ کہ پریشان و چھٹ ہلوکا فرداتے مُچ کیک و مُچ کرو الو و سدا مُچ کرسا کرو۔
	۱۹۱۴ء ٹی انگریز مدبراک تینا سیاسی مطلب و مقصد آتے کہ یہودی تے استعمال کریر۔ صیہونی تحریک مونی ہیسُر وَ تینا غرض نا پورائی کہ ہزار ذریعہ استعمال کریر۔ اوفتے آن اسٹ نا نتیجہ ننا مونا ارے۔ یہودی مسجد اقصیٰ نا اسہ حصہ نا خواجہ مننگ نا دعویٰ کننگ ٹی ئُُ۔ اوفک فساد نا خاخرے لگفینُر۔ مسلمانک وَ اوفتا نیاڑی و چناک میل وَ ہیٹ آن بار تڑنگرہ…… داسا برطانیہ نا حکومت فلسطین نا حالتاتا تحقیق کہ اسہ کمیشن گدارنگ منظور کرینے۔ ولے ای اعلان کننگ خواہیوہ کہ مسلمان تے ہموڑا ہچو باور اف‘‘۔
	نومبر ۱۹۲۹ء نا آخریکو ہفتہ ٹی اقبال علی گڑھ کہ ہنا وَ مسلم یونیورسٹی ٹی الٰہیات اسلامیہ نا ردٹ پین مُسہ خطبہ تِس۔
	۱۷اگست ۱۹۳۰ء نا دے اقبال نا باوہ شیخ نورمحمد سیالکوٹ ٹی دا دنیائے اِلا۔ لمہ گودی نا وفات نا تاریخ اکبر الہ آبادی کشاسُس۔ ولے باوہ نا قطعہ ئِ تاریخ تینٹ اقبال پارے وَ قبر نا شکی آ نوشتہ کرفے۔
پدر مرشد اقبال ازین عالم رفت
ماہمہ راہروان منزل ما ملک ابد
ہاتف از حضرت حق خواست دو تاریخ رحیل
آمد آواز ’’اثر رحمت‘‘ وَ ’’آغوش لحد‘‘
 		 (۱۳۴۹ھ) (۱۳۴۹ھ)
	۱۹۳۰ء نا نیام ٹی ’’تشکیل جدید الٰہیات اسلامیہ‘‘ نا پنٹ جاندمی ہند وَ علی گڑھ ٹی خوانوکا شش انگریزی خطبہ آتا مجموعہ لاہور آن شائع مس۔ داسا دا کتاب  ہفت خطبہ آ تالان ارے۔ ہفتمیکو خطبہ ’’کیا مذہب ممکن ہے‘‘ (انت مذہب ممکن ارے) انگلستان نا ارسٹاٹیلین نا خواست آن پد نوشتہ کننگاسس وَ ۱۹۳۲ء ٹی انگلستان ٹی خواننگاسس۔
	عارفاک حقیقت بیان کننگ نا اِرا طریقہ رُماغانو۔
	عشقی و عقلی۔ ہرا بندغاتے کہ ایمان بالغیب یعنی دین نا محسوس مروکا ابدی حقیقت آتے آن بار یقینی مریرہ کارہ اوفک عشق نا خواجہ اریر۔ ہمر کہ محسوس مروکا وَ تجربہ ٹی بروکا کاریم تے ٹی منطق و عقل آن دلیل ہلنگ نا ضرورت تمپک۔ ہندا وجہ غان عشق والاتا حالت نا اظہار ٹی دلیل نا بدلان ہیت و حکایت نا رنگ زیات مریک۔ ایلو پارہ غان بندغاتا اسہ بھلو طبقہ ئس زمانہ نا خواستاتا ردٹ زندہ مننگ و سوچ کننگ آ مجبور مریک۔ دا بندغاک پاش انگا ہیتاتے ہم رواج خنوکا عملی و سائنسی آ نفی یا اثبات نا مدد بلکہ سنّدھ آن بیدس سرپند مننگ آن لاچار مریرہ۔ اوفتے دین نا مرام نا دائرہ ٹی ہترنگ کہ ضروری ئے کہ اوفتا نفسیاتی وَ ذہنی سانچہ ٹی بھلو تبدیلی سے نا بے فائدہ کوشش نا بدلان حقیقاتے اوفتا سوچ نا سطح غا ہترسا بیان کننگہِ۔
	دا کاریم ہمو عارفاتا ارے ایکہ دین نا حقیقت وَ مطلب تو گڑاتا حقیقت و مطلب نا شابیت چائنگداری تخرہ وَ اوفک عقل والا مریرہ۔ داسا ہمر کہ لفظاک تینا اصل معنی آن مُر مرسا کارہ۔ ہندا وجہ غان عقل ئِ بیرہ اسہ ذہنی قوت سرپند مننگانے کہ بیرہ محسوس مروکا جہاں نا گڑاتا تجزیہ کننگ اسکان محدودے۔ حالانکہ عقل تینا کامل مفہوم ٹی حقیقت آتا تفصیلی چائنگداری وَ اوفتا اسہ ایلوڑتون سوگوی نا انکشاف نا اسہ بھلو وسیلہ سے۔ اقبال اسکان دا توم طریقہ غاک کاریم ٹی بروک اریر۔ اونا شاعری عشقی طریقہ نا نمائندگی کیک وَ خطبہ آک عقلی طریقہ نا۔ خطبہ آتا بنیادی موضوع دین نا حقیقت آتے بندغاتا فکر وَ تجربہ نا ہمو وخت نا خاصیت و اوارٹا نفسیات نا بدل مروکا سبب آتے تو اوار کننگ ارے۔ اقبال نا خیال ٹی دا ضرورت ئِ اسلام نا آغاز نا وختا خیال ٹی تخنگاسس۔ 
	۱۹۳۰ء نا سال پاکستان و اقبال توم آ حوالہ اٹ اسہ تاریخی اہمیت تخوک اس۔ دسمبر نا بیست و نہمیکو تاریخ آ الہ آباد شہر ٹی آل انڈیا مسلم لیگ نا سالانہ اجلاس مس۔ قائد اعظم اولیکو گول میز کانفرنس ٹی بشخ ہلنگ کہ لندن آ ہناسس۔ اونا حکم نا مطابق دا اجلاس نا صدارت اقبال ئِ کروئی اس۔ داڑے او ہمو تاریخ ساز خطبہ ئِ صدارت تِس کہ خطبہ الہ آباد نا پنٹ مشہور مس۔ ہمو خطبہ ٹی اولیکو وار ہندوستان نا تہہ ٹی اسہ آزاد مسلم ریاست نا مضبوط وَ واضح خاکہ پیش کننگا۔
	برطانوی حکومت ارٹمیکو گول میز کانفرنس کہ اقبال ئِ ہم بٹنگا۔ لندن ہننگ کہ ۸ستمبر ۱۹۳۱ء نا دے لاہور آن روانہ مس۔ ایلو پھگہ تو دہلی ٹی سر مس اسٹیشن نا پلیٹ فارم آ ہزاراتا ہجوم بخیرٹ کہ موجود اس۔
	۱۰ستمبر ۱۹۳۱ء نا دے بمبئی ئِ سر مس۔ ایلو دے ہموکان بحری جہاز نا ذریعہ انگلستان کہ روانہ مس وَ ۲۷ستمبر نا دے لندن ئِ سر مس۔ ایہُن تو اقبال ارٹمیکو گول میز کانفرنس ٹی بشخ ہلنگ کہ ہناسس مگر انگلستان ٹی اونا علمی وَ ادبی مشہوری ایکہ سیاسی مشہوری آن اخس زیات اس۔ اونا مصروفیات آتے اِرا بشخ ٹی بخشا۔ کانفرنس نا شروع مننگ تو مَنہ ہندنو نشانی پاش مننگ شروع کریر کہ اقبال بددل مس۔ مَنہ اجلاساتے ٹی لاتعلقی نا اسہ انداز سے تو بشخ ہلک۔ مگر ہراتم ہچو مثبت نتیجہ آن مایوس مس تو آخر کار ۱۹نومبر ۱۹۳۱ء نا دے مسلمان تا وفد آن جتا مس و دا کانفرنس آن ظاہر ظہور مُر مس۔ داسا لندن ٹی اڈ ہلنگ بیکار اس۔ مولانا غلام رسول مہر ئِ تین تو ہلک ۲۲نومبر نا نن روم ئِ سر مس۔ مُسہ دے ملاقات و تاریخی جاگہ غاتا سیل ٹی گدارا۔ اقبال اٹلی نا بادشاہ مسولینی تو ہم ملاقات کرے۔
	۲۹نومبر نا دے اقبال اسکندریہ کہ روانہ مس۔ یکم دسمبر نا صحب تو ہموڑے سر مس۔ بندرگاہ آ بھاز انگا سنگتاک بخیرٹ کہ موجود اسُّرہ۔ ہمودے پیشیم تو قاہرہ کہ ریل آ سوار مس۔ و شام وختا قاہرہ ئِ سر مس۔ مصر نا اڈ ہلوکا مَنہ دے تے ٹی اقبال تاریخی جاگہ غاتا و آثاراتا سیل کرے۔ مَنہ دعوت آتے ٹی بشخ ہلک۔ جامعہ ازہر نا دورہ کرے۔ ۵دسمبر نا شام نا وختا ریل اٹ بیت المقدس کہ روانہ مس۔
	۶دسمبر نا صحب تو بیت المقدس ئِ سر مس۔ ایلو ہستی تے تو اوار مفتی اعظم سید امین الحسینی ہم بخیرٹ کہ تشریف ہتروک اس۔ ایلو دے آن موتمر عالم اسلامی نا باقاعدہ اجلاس شروع مس۔ اقبال مندوب نا حیثیت اٹ بٹنگوک اس۔ و اودے نائب صدر مقرر کننگا۔ ۱۴دسمبر اسکان اقبال مچا کاروائی ٹی شریک اس۔ داسا رخصت مروئی اس۔ ہندا وجہ غان ہمو تاریخ آ اجلاس ٹی الوداعی تقریر کرے۔
	۲۸دسمبر ۱۹۳۱ء نا دے صحب تو بمبئی ئِ سر مس۔ ہموڑے زیات اڈ ہلتو۔ ہمو بیگہ تو ریل نا ذریعہ لاہور کہ روانہ مس۔
	فروری ۱۹۳۲ء ٹی جاوید نامہ نا اشاعت مس۔ اودے فارسی نا ڈیوائن کامیڈی (زیبائو مزاح) پاننگ مرے۔
	۶مارچ نا دے لاہور ٹی اقبال نا کماشی ٹی آل انڈیا مسلم لیگ نا اجلاس مس۔ اقبال صدارت نا خطبہ خوانا۔ ہرا ٹی او ارٹمیکو گول میز کانفرنس نا حوال بنفے۔ ہمو زمانہ نا اہم سیاسی مسئلہ غاتا اسہ خوڑتو جائزہ ئس ہلک و بروکا وخت نا تعمیر نا امکاناتے آ نظرس شاغا۔ دا خطبہ ہر لحاظ تو بھاز اہم ارے۔ ہرادے نظر انداز کرسا برصغیر نا مسلم تاریخ نا جوہرے سرپند مننگ مفک۔
	۱۹۳۲ء نا آخر ٹی برطانیہ نا حکومت نا پارہ غان لندن ٹی مسٹمیکو گول میز کانفرنس نا اہتمام کننگاسس۔ اقبال ئِ دا وار ہم بٹنگنفگا۔ ۱۷اکتوبر ۱۹۳۲ء نا دے انگلستان آ روانہ مس۔ ۳۰دسمبر اسکان ہمیڑے اس۔ اقبال ولدا کانفرنس ٹی ہچو دلچسپی ہلتو۔ انتئے کہ اوٹی بش مروکا بھاز بحث آک وفاق تو متعلق اسُّرہ۔ ہراڑتو اقبال ہچو کاریم تختوکہ۔ او تو ہندوستان نا تہہ ٹی صوبہ غاتا ہندنو خودمختاری سے نا قائل اس۔ ہراٹی مرکزی حکومت پنی او ہچو گڑا موجود مف۔ صوبہ غاتا سدھا تعلق لندن ٹی تولوکا وزیر ہند تو اس۔
انگلستان آن اقبال فرانس کہ بس۔ پیرس ٹی لوئی ماسینون و ہنری برگسان تو ملاقات مس۔
	جنوری ۱۹۳۳ء نا اولیکو ہفتہ ٹی ہسپانیہ کہ روانگی مس۔ ہموڑے اقبال پنی آ مستشرق (مشرق آن اثر ارفوکا) آ سین پالاکیوس نا مہمان مس۔ ۲۴جنوری نا دے اقبال میڈرڈ یونیورسٹی ٹی ’’اسپین و اسلام نا فلسفہ‘‘ نا موضوع آ لیکچر تِس۔ ہسپانیہ ٹی اڈ ہلوکا زمانہ ٹی او غرناطہ، اشبیلیہ، و طلیطلہ نا سیل کرے۔ مسجد قرطبہ ہمیشہ کہ اونا اُست ٹی ہند کرے۔ دا مسجد اقبال نا باطن نا کڑمب آ سطح ئِ سر مسَّسس۔ ہرانا نتیجہ ٹی نہ بیرہ اقبال نا بلکہ اردو نا گچین انگا نظم ’’مسجد قرطبہ‘‘ وجود ٹی بس۔  ہفت صد سال آن دا مسجد اَذان و نمازان ہورک تموک اس۔ داخہ مرغن آ مدت آن پد اقبال اولیکو بندغ اس کہ او داڑے اَذان تِس و نماز خوانا۔ اللہ آکبر نا توار مسجد نا روح مریک۔ امرو سعادت سے کہ اللہ تعالیٰ نا اسہ مے بس۔ پورا  ہفت صدی نا چُپی ئِ پرغسا دا مسجدئِ ولدا زندہ کرے ہنا۔
اے حرم قرطبہ! عشق سے تیرا وجود
عشق سراپا دوام جس میں نہیں وقت وبود
رنگ ہو یا خشت و سنگ‘ چنگ ہو یا حرف و صوت
معجزئہ فن کی ہے خون جگر سے نمود
قطرہ ئِ خون جگر سل کو بناتا ہے دل
خون جگر سے صدا سوز و سرور وَ سرود
تیری فضا دل فروز میرا نوا سینہ سوز
تجھ سے دلوں کا حضور، مجھ سے دلوں کی کشود
عرش معلی سے کم سینہء آدم نہیں
گرچہ کفِ خاک کی حد ہے سپہرِ کبود
پیکر نوری کو ہے سجدہ میسر تو کیا
اس کو میسر نہیں سوزو گدازِ سجود
کافرِ ہندی ہوں میں، دیکھ مرا ذوق و شوق
دل میں صلوٰۃ و درود، لب پہ صلوٰۃ و درود
شوق مری لے میں ہے، شوق مری نے میں ہے
نغمہ ئِ اللہ ہو، میری رگ و پے میں ہے
۲۵فروری ۱۹۳۳ء نا دے اقبال لاہور ٹی سر مس۔
	اکتوبر نا آخری دے تے ٹی اقبال افغانستان آ ہنا۔ نادر شاہ تینا ملک ٹی تعلیم ئِ مونی دننگ خواہاکہ۔ دا سلسلہ ٹی اسہ اصولی خاکہ تیار کننگ کہ او اقبال،ر اس مسعود وَ سید سلیمان ندوی ئِ مشورہ کہ بٹنگا۔ نادرشاہ تو ملاقاتاک مسُّر۔ مختلف بندغاتا و انجمن آتا پارہ غان بخیر ٹی آ مجلس آک مسُّر۔ غزنین، قلات، قندہار وَ مَنہ ایلو جاگہ غاتے آ خنار۔ مغل حاکم ظہیر الدین بابر، حکیم سنائی، سلطان محمود غزنوی وَ احمد شاہ ابدالی نا مزاراتے آ فاتحہ خوانار۔۴نومبر نا دے قندہار آواپسی ہلکُر۔ ۶نومبر نا نن اقبال لاہور ٹی اس۔ افغانستان نا دا دورہ پاننگ نا حد اسکان مختصر اس۔ مگر اقبال نا دا ڈغار و اونا بھاتی تے تو اسہ بے مٹ تعلق اس۔ کہ اوڑکہ دا سیاست نا مَنہ دے ہم اسہ تخلیقی تجربہ جوڑ مس۔ او کہ اونا فارسی مثنوی ’’مسافر‘‘ نا شکل ہلک۔ دا مثنوی بقول سید سیلمان ندوی خیبر سرحد و کابل و غزنین و قندہار نا عبرت تروکا منظر و مقبرہ غاتے آ شاعر اقبال نا خڑینکاک اریر۔ و بابر، سلطان محمود غزنوی، حکیم سنائی وَ احمد شاہ ابدالی نا خاموش تربت آتا زبان حال تو سوالاک و جواباک اریر۔ اونا آغاز نادر شاہ شہید نا نا صفت آن ارے۔ و ایسری محمدظاہر شاہ تو امیداتا اظہار آ ارے۔
	۴دسمبر ۱۹۳۳ء نا دے پنجاب یونیورسٹی اقبال ئِ ڈی لٹ نا اعزازی ڈگری ندر کرے۔
	برصغیر ٹی مسلم سیاسی جماعت آک تتر بتر و جتائی ٹی ہلنگوک اسُّرہ۔ تینا تینا راگ خلنگ ٹی اسُّرہ۔ مسلمان تا قومی مستقبل نا مسئلہ عملی وڑٹ گیرام کننگاسس۔ قائداعظم مایوس مننگ آن پد لندن آ ہناسس۔ دا کل خننگ و اُست ہُشنگ کہ اسٹ انگا اقبال سلیس۔ لیکن قدرت ئِ مسلمان تا شَری منظور اس۔ اقبال و ایلو خلوص تخوکاتا زور شاغنگ آ قائد اعظم ہندوستان کہ پدائی بس۔ وَ ۴مارچ ۱۹۳۴ء نا دے مسلم لیگ نا صدر گچین مس۔ لیگ نا کھئوکا کالبوت ٹی ساہ تما۔ و برصغیر نا مسلمان تا دیک بدل مننگ شروع مسُّر۔
	جنوری ۱۹۳۵ء ٹی ارٹمیکو اردو مجموعہ بال جبرئیل چھاپ مس۔
	۶مئی ۱۹۳۶ء نا دے حضرت قائد اعظمؒ اقبال تو ملنگ کہ ’’جاوید منزل‘‘ کہ تشریف ہیس۔ او اقبال ئِ مسلم لیگ نا مرکزی پارلیمانی بورڈ ناممبر مننگ نا دعوت تِس۔ ہرا دے تینا سخت ناجوڑی نا باوجود ہبس تو قبول کرے۔
	۱۲مئی نا دے اقبال لو وارہ پنجاب مسلم لیگ نا صدر مقرر مس۔
	جولائی ۱۹۳۶ء ٹی ’’ضرب کلیم‘‘ چھاپ مس۔ دا کتاب شش بشخ ارے۔ اسلام و مسلمان، تعلیم و تربیت، نیاڑی، ادبیات فنون لطیفہ، دے ٹک و دے کہیلنگ نا سیاست و محراب گل افغان نا افکار، اختصار تو پاننگہ کہ بال جبرئیل اقبال نا شاعری والا فکر نا معراج ئِ۔ و ضرب کلیم اونا فکری شاعری نا کمال نا انتہائے۔
	نومبر ۱۹۳۶ء ٹی فارسی مثنوی ’’پس چہ باید کرد اے اقوام مشرق مع مسافر‘‘ کتابی شکل اٹ چھاپ مس۔
	اقبال نا صحت خراب مرسا ہنا۔ علاج نا ہخس کہ کوشش کننگا مگر ذرہ سے نا فائدہ متو۔ نوشتہ خواند بند کرفنگاسس۔ بس اسٹا خیال اُستا اس کہ وڑ نہ وڑ سے اٹ حج کیو۔ وَ روضہ رسول ﷺ آ حاضری ایتو بریو۔ سید راس مسعود نا پنٹ تینا اسہ خط سے ٹی کہ ۱۵جنوری ۱۹۳۷ء ٹی نوشتہ ئِ فرمائفک
	انشاء اللہ امید… کہ سال (بروکا) حج ہم کروٹ۔ وَ دربار رسالت ٹی ہم حاضری ایتوہ و ہموکان اسہ تحفہ ئس ہتوٹ کہ ہندوستان نا مسلمانک یاد کرور۔
	دا ٹیکی انت مروسس؟ ارمغان حجاز کہ اقبال نا قضیت ان پد نومبر ۱۹۳۸ء ٹی چھاپ مس۔
	اقبال نا صحت خراب مرسا ہنا۔ وڑ وڑ نا بیماری تا پلویڑ اس۔
	فائدہ نا امید کم مرسا ہنا۔ ولے اونا باوجود روزانہ نا کاریمک جاری اسُّرہ۔ ہمیشہ آن بار بیگہ والا مجلس ہندن اڈ تننگاکہ۔ اوڑتو دنیا نا موضوع آتے آ پورا حاضر دماغی تو ہیتاک مسُّرہ۔ خط آتا جواب ہم نوشتہ کرفنگارہ۔ و تنہائی یا کچاری ٹی شعر نا آمد نا ہم ہمو ساگی سلسلہ اس۔ کسس پریشانی نشان تِس تو اودے فرمایا
نشان مرد مؤمن باتو گویم
چو مَرگ آید تبسم برلب اوست
	۲۰اپریل نا نن حالت ٹی تبدیلی بننگ شروع کرے۔ چودھری محمدحسین شہر نا بھلا بھلا ڈاکٹراتے مچ کرے۔ تفصیلی معائنہ آن پد کل نا ہندا رائے اس کہ نن خیر تو گدرینگہ تو صحب تو پُوسکنا علاج شروع کننگوئِ۔ مچٹو پاس ئس خاچنگ مروئے کہ کوپہ غاتے ٹی سخت درد بش مس۔ و تُغ ہنا۔ تُغ ہتروکا دوائی تننگ نا کوشش کننگا مگر انکار کرے کہ ای بے ہوشی نا حال ٹی کہنگ خواہپرہ۔ مچہ نن سلوک اس کہ حالت غیر مس۔ صحب نا اذاںتا بننگ تو خبر گیری کہ تولوکا سنگتاک خیال کریر کہ فکر نا نن گدرینگا ہنا۔ کل خڑک نا مسجد ٹی نماز کہ ہنار۔ بیرہ اسہ مُتکنا جان نثار و خذمت گذار علی بخش حال ہُننگ کہ سلیس۔ نا گمان اُستے مٹھ ٹی ہلک پارے کہ داڑے بھلو درد سے۔ دا اسکان علی بخش اودے خُمب ٹی ہلوک سوچنگ ٹی اس کہ انت کے؟ اقبال اللہ پارے اونا کاٹم اسہ پارغاہ لڑونج مس۔ ٹھیک پنج بجہ چانڑدہ منٹ صحب نا اذاںتا سیخا ٹی او شخص موت نا پول ئِ پار کرے ہنا۔ ایکہ خوف خدانا مجسمہ و عشق رسول نا نمونہ اس۔ اِنالِلہ وَ اِنااِلیہ راجعون۔
	اقبال نا قضیت نا خبر زُو آن زُو مچا شہر ٹی چھٹ ہلک۔ اخباراک ضمیمہ کشار۔ دفتراک، عدالتاک، بازار وَ مسلمان تا کل ادارہ غاک بند مسُّر۔ شہر ٹی زندگانی نا کاروبار سلیس۔ لگاکہ لاہور نا مچا مخلوق ’’جاوید منزل‘‘ کہ مون کرینے۔ تینا محسن و مہربان نا آخریکو دیدن کہ بیگہ اسکان خڑینک شولوکاتا قطار سلوک اس۔
	بیگہ نا پنج بجہ وختا کلمہ شہادت نا توار تو جنازہ بش مس۔ پنجاہ شصت ہزار کوپہ تروکاتے ٹی دَیرس اَس کہ الو۔ غمگین آتا دا بھلا لشکر ٹی دیندار، دنیا دار، امیر غریب، عالم بے خوانندہ۔ پیر ورنا، کل شامل اسُّرہ۔ و اسہ مسلمان آخا بلکہ ہر مذہب وَ ملت نا بندغ موجود اس۔ نن نا ہشت بجہ وختا بادشاہی مسجد نا ایوان ٹی نماز جنازہ ادا کننگا۔ پائوکم دہ بجہ وختا زمانہ نا دا فخرے دھرتی نا حوالہ کننگا۔
	قبر نا اسہ پار غان اوار شاہی مسجد وَ ایلو پار غان مچٹو فاصلہ سے آ شاہی قلعہ۔ اسہ دینی رعب نا علامت وَ ایلو دنیاوی عظمت نا نشانی۔ خدا نا شان ئِ کہ اقبال ہراتم اسکان زندہ اس تو مکاتے اوفتا رتبہ آتا مطابق اوار تخسا زند ئس وَکہسک تو دفن ہند ہندنو خنا ہرادے ہُرسا دین و دنیا نا مثالی حساب خَن تا مونا بریک۔
 
 
 
 
 
 
 
 
 
 
 
 
 
کتابیات
 
آزاد جگن ناتھ
 	محمد اقبال ایک ادبی سوانح حیات ،نئی دہلی ماڈر ن پبلشنگ ہائوس ۱۹۸۳ء
احمددین
	اقبال: مرتبہ مشفق خواجہ، کراچی، انجمن ترقی اردو پاکستان، ۱۹۷۹ء
اختر، قاضی احمدمیاں
	اقبالیات کا تنقیدی جائزہ کراچی اقبال اکادمی ۱۹۶۵ء
افضل محمد رفیق (مرتب)
	گفتار اقبال، لاہور :ادارہ تحقیقات پاکستان ،۱۹۷۷ء
اقبال ‘سر محمد
	اقبال نامہ (جلد اول)  مرتبہ شیخ عطاء اللہ۔ لاہور: شیخ محمد اشرف ۱۹۴۴ء
اقبال‘ سر محمد
	اقبال نامہ (جلد دوم)  مرتبہ شیخ عطاء اللہ۔ لاہور ،شیخ محمد اشرف،۱۹۵۱ء
اقبال‘ سر محمد
	باقیات اقبال:   مرتبہ شیخ عطاء اللہ۔ لاہور: شیخ محمد اشرف،۱۹۶۶ء
اقبال‘ سرمحمد
	علم الاقتصاد: لاہور، اقبال اکادمی پاکستان، ۱۹۷۷ء
اقبال‘ سر محمد
	کلیات اقبال، فارسی، لاہور اقبال اکادمی پاکستان ۱۹۹۰ء
اکبر آبادی، میکش
	نقد اقبال۔ لاہور، آئینہ ادب، ۱۹۷۰ء
جاوید اقبال:	زند رود۔ لاہور، شیخ غلام علی، ۱۹۹۸ء
دُرانی، سعید اختر
	’’اقبال یورپ میں ‘‘ لاہور اقبال کادمی پاکستان، ۱۹۸۵ء
ڈار، بشیر احمد (مرتب)
	انوار اقبال۔ لاہور: اقبال اکادمی پاکستان ،۱۹۷۷ء
زور، سید محی الدین قادری (مرتب)
	اقبال بنام شاد۔ لاہور :بزم اقبال، ۱۹۸۲ء
سیدوحید الدین، فقیر
	روزگار فقیر (جلد اول)۔ کراچی لائن آرٹ پریس ،۱۹۶۶ء
سید وحید الدین‘ فقیر
	روزگار فقیر (جلد دوم)۔ کراچی لائن آرٹ پریس ،۱۹۶۶ء
صدیقی ،افتخار احمد 
	 عروج اقبال۔لاہور : بزم اقبال،۱۹۸۷
صلاح الدین احمد، مولانا
	تصورات اقبال۔ مرتبہ معزالدین احمد، علی گڑھ ایجوکیشنل بک ہائوس 
	۱۹۷۴ء
صوفی، خالد نظیر
	اقبال درون خانہ، لاہور: بزم اقبال ۱۹۷۱ء
عبدالحکیم خلیفہ
	فکرِ اقبال۔ لاہور: بزم اقبال ۱۹۸۸ء
عزیز احمد
	اقبال: نئی تشکیل۔ لاہور: گلوب پبلیشرز ۱۹۶۸ء
فاروقی، محمدحمزہ
	حیات اقبال کے چند مخفی گوشے، لاہور ادارہ تحقیقات پاکستان، ۱۹۸۸ء
فروغ احمد
	تفہیم اقبال۔ کراچی: اردو اکیڈمی سندھ ۱۹۸۵ء
گیان چند، ڈاکٹر
	ابتدائی کلام اقبال بہ مہ وسال۔ حیدرآباد دکن: اردو ریسرچ سینٹر ۱۹۸۸ء
محمدعلی، شیخ
	نظریات و افکارِ اقبال۔ اسلام آباد، نیشنل بک فائونڈیشن ۱۹۸۳ء
معینی، سید عبدالواحد (مرتب)
	مقالات اقبال۔ لاہور شیخ محمداشرف ،۱۹۸۲ء
منور،محمد
	ایقان اقبال: لاہور، اقبال اکادمی پاکستان، ۱۹۸۸ء
منور،محمد
	برہانِ اقبال: لاہور، اقبال اکادمی پاکستان، ۱۹۸۲ء
منور،محمد
	میزان اقبال: لاہور، اقبال اکادمی پاکستان ،۱۹۸۲ء
مہر، غلام رسول، صادق علی دلاوری (مرتبین)
	سرود رفتہ لاہور، کتاب منزل ،۱۹۵۹ء
ندوی، ابوالحسن علی
	نقوشِ اقبال: مترجم: شمس تبریز خان۔ کراچی: مجلس نشریات اسلام آباد 
	۱۹۷۳ء
ندوی، عبدالسلام
	اقبال کامل: راولپنڈی: کامران پبلی کیشنز ۱۹۸۸ء
نذیرنیازی، سید
	اقبال کے حضور۔ کراچی:اقبال اکادمی پاکستان ۱۹۷۱ء
نذیر نیازی،سید
	دانائے راز۔لاہور:اقبال اکادمی پاکستان،۱۹۸۸
ہاشمی، ڈاکٹر رفیع الدین
	تصانیف اقبال کا تحقیقی و توضیحی مطالعہ۔ لاہور: اقبال اکادمی پاکستان، ۱۹۸۴ء
یوسف حسین خان، ڈاکٹر
	روحِ اقبال۔ لاہور آئینہ ادب، ۱۹۶۵ء
 
 
 
 
 
 
 
 
 
 
	Iqbal and Quranic Wisdom, Lahore: Iqbal 
	Academy Pakistan 1985.
9.	Shahin Rahim Bukhsh (comp)
	Mementos of Iqbal, Lahore: Al Pakistan 
	Education Congress 1975.
11.	Sharif Al Mujahid
	The Poet of the East: the Story of 
	Muhammad Iqbal Karachi, Oxford 
	University Press 1961.ؔ
 
 
 
 
 
 
 
 
 
 
 
 
 
 
 
 
 
1.	Dar. BA (comp)
	Letters of Iqbal, Lahore: Iqbal Academy 
	Pakistan 1978
2.	Dar. B.A (comp)
	Letters and Writings of Iqbal. Lahore: Iqbal 
	Academy Pakistan 1981.
3.	Dar. B.A
	Study of Iqbal's Philosophy, Lahore: Sh: 
	Ghulam Ali 1971
4.	Hafeez Malik (comp)
	Iqbal Poet Philosopher of Pakistan New 
	Yark: Columbia. Bzam-e-Iqbal 1971.
5.	Iqbal, Sir Mohammad
	Development of Metapysics in Persia 
	Lahore: Bazm-e-Iqbal 1964.
6.	Iqbal, Sir Mohammad
	The Reconstruction of Religious Thought in 
	Islam, Lahore: Iqbal Acadmey Pakistan 
	1989.
7.	Masud Ul Hassan
	Life of Iqbal, Lahore Ferozsons Ltd: 1978
8.	Munawwar, Mirza Muhammad
 
 
ضمیمہ غاک
 
	بروکا صفحہ غاتے ٹی علامہ اقبال نا زندگانی نا مَنہ اہم واقعہ آتا بیان تو اونا مچا تصنیف آتا فہرست تننگک۔ علامہ اقبال نا باروٹ عام مطالعہ وختا دا بنیادی معلومات مفید و مددگار ثابت مرو۔ (مؤلف)
ضمیمہ: ۱
حیات نامہ اقبال
 ۱۸۷۷ئ		۹نومبر: اقبال نا ودی مننگ، سیالکوٹ
۱۸۹۱ء
	سکاچ مشن ہائی سکول سیالکوٹ آن مڈل امتحان پاس کرے
۱۸۹۲ئ		باقاعدہ شعر گوئی نا آغاز مس۔
۱۸۹۳ء
	سکاچ مشن ہائی سکول آن میٹرک نا امتحان اولیکو درجہ ٹی پاس کرے۔
	۴مئی: کریم بی بی (م: ۲۰نومبر ۱۹۴۶ئ) تو برام مس۔
۱۸۹۵ء
	سکاچ مشن کالج سیالکوٹ آن انٹرمیڈیٹ نا امتحان درجہ دوم ٹی پاس کرے
۱۸۹۸ء
	گورنمنٹ کالج لاہور آن بی اے نا امتحان درجہ دوم ٹی پاس کرے۔
۱۸۹۹ء
	گورنمنٹ کالج لاہور آن ایم اے فلسفہ نا امتحان درجہ سوم ٹی پاس کرے۔
۱۳مئی:
	 یونیورسٹی اورینٹل کالج لاہور ٹی میکلوڈ عربیک ریڈر مقرر مس۔
۱۹۰۰ء
	۱۴فروری: انجمن حمایت اسلام لاہور نا سالانہ جلسہ ٹی اولیکووار نظم (نالہ 
	یتیم۔( یتیم نا فریاد) بنفے۔
۱۹۰۱ء
	یکم جنوری: اسلامیہ کالج لاہور ٹی شش تُو کہ انگریزی نا استاد مقرر مس۔
۱۹۰۲ء
	۱۳اکتوبر: گورنمنٹ کالج لاہور ٹی شش تُو کہ انگریزی نا استاد مقرر مس۔
۱۹۰۳ء
	۳جون: گورنمنٹ کالج لاہور ٹی فلسفہ نا اسسٹنٹ پروفیسر مقرر مس۔
۱۹۰۵ء
	یکم ستمبر: اعلیٰ تعلیم کہ یورپ آ روانہ مس۔
۱۹۰۷ء
	کیمبرج آن بی اے نا ڈگری حاصل کرے۔ میونح یونیورسٹی پی ایچ ڈی نا 
	ڈگری عطا کرے۔
۱۹۰۸ء
	۲۲جنوری: ڈائریکٹر پبلک انسٹرکشن نا پنٹ خط ٹی گورنمنٹ کالج لاہور نا 
	ملازمت آن تحریری وڑٹ استعفیٰ گدارا۔
	یکم جولائی: لنکزاِن، لندن آن بیرسٹری نا سَند حاصل کرے۔
	۲۷جولائی: یورپ آن واپس لاہور ٹی سر مس۔
۱۹۱۰ء
	سردار بیگم (جاوید اقبال نا لمہ) تو نکاح مس و رخصتی ۱۹۱۳ء وختا مس۔
۱۹۱۱ء
	اپریل: انجمن حمایت اسلام نا سالانہ جلسہ ٹی نظم ’’شکوہ‘‘ خوانا۔
	علی گڑھ یونیورسٹی ٹی انگریزی خطبہ The Muslim Community 
	’’ملت بیضا آ اسہ عمرانی نظر‘‘ نا عنوان تو پیش کرے۔
۱۹۱۲ء
	۱۶اپریل: انجمن حمایت اسلام نا سالانہ جلسہ ٹی نظم ’’شمع و شاعر‘‘ خوانا
	۳۰نومبر: بیرون موچی دروازہ غا مَروکا عام جلسہ ٹی نظم ’’جواب شکوہ‘‘ خوانا۔
۱۹۱۳ء
	مختار بیگم (لُدھیانہ) تو برام مس۔
	۹نومبر: لمہ گودی امام بی بی سیالکوٹ ٹی وفات کرے۔
۱۹۲۲ء
	۱۶اپریل: انجمن حمایت اسلام نا جلسہ ٹی نظم ’’خضرراہ‘‘ پیش کرے۔
۱۹۲۳ء
	یکم جنوری: حکومت نا طرف آن ’’سَر‘‘ نا لقب تننگا۔
	۳۰مارچ: انجمن حمایت اسلام نا جلسہ ٹی نظم ’’طلوع اسلام‘‘ پیش کرے۔
۱۹۲۶ء
	۲۳نومبر: پنجاب نا قانون ساز مجلس نا باسک گچین مس۔
۱۹۲۸ء
	جنوری: مدراس، بنگلور، میسور و حیدرآباد دکن ٹی مروکا جلسہ غاتے ٹی 
	انگریزی خطبہ پیش کرے۔
۱۹۳۰ء
	۲۹دسمبر: کل ہند مسلم لیگ نا سالانہ اجلاس الہ آباد ٹی مروکا ٹی جتا مسلم مملکت 
	نا تصور پیش کرے۔
 
۱۹۳۱ء
	نومبر: لندن ٹی مروکا ارٹمیکو گول میز کانفرنس ٹی شرکت کرے۔
	۲۸نومبر: روم ٹی اٹلی نا حکمران مسولینی تو ملاقات کرے۔
	۷دسمبر: بیت المقدس ٹی مروکا موتمر عالم اسلامی ٹی بشخ ہلک۔
۱۹۳۲ء
	نومبر: لندن ٹی مسٹمیکو گول میز کانفرنس ٹی بشخ ہلک۔
۱۹۳۳ء
	جنوری: پیرس ٹی پنی آ فلسفی برگسان تو ملاقات کرے۔
	ہسپانیہ نا سفر و مسجد قرطبہ نا زیارت۔
	اکتوبر، نومبر: شاہ افغانستان نا دعوت آ افغانستان نا سفر۔
	۴دسمبر: پنجاب یونیورسٹی ’’ڈی لٹ‘‘ نا اعزازی ڈگری عنایت کرے۔
۱۹۳۴ء
	۱۰جنوری: عید الفطر نا موقعہ آ مائیچہ وَ ڈہی اوار کرے کُنگ۔ گُٹ تہ توس 
	مرغنا ناجوڑی شروع مس۔
۱۹۳۵ء
	برقی علاج کہ بھاز وار بھوپال آ ہنا۔
	تینا ذاتی پُوسکن جوڑ مروکا اُرا ’’جاوید منزل‘‘ کہ ہنپے بس۔
	۲۳مئی: اُرائی (جاوید نا لمہ) نا وفات
	۲۹جون: سرہند شریف نا سفر، جاوید اقبال ہم تُد اس۔
۱۹۳۶ء
	پنجاب مسلم لیگ نا صدر مس۔
۱۹۳۸ء
	۲۱اپریل: صحب نا پنج بجہ وختا جاوید منزل ٹی تینا حقیقی آ خواجہ تو ملا۔
 
 
 
 
 
 
 
 
 
ضمیمہ :۲
اقبال نا تصنیف آک
بیرہ اولیکو اشاعت آتا سال تننگرہ
شاعری 			فارسی:
٭	اسرار خودی			۱۹۱۵ء
٭	رموز بے خودی			۱۹۱۸ء
٭	پیام مشرق			۱۹۲۳ء
٭	زبور عجم				۱۹۲۷ء
٭	جاوید نامہ				۱۹۳۲ء
٭	مسافر				۱۹۳۴ء
٭	مثنوی، پس چہ بایدکرد اے اقوام شرق	۱۹۳۶ء
اردو
٭	بانگ درا				۱۹۲۴ء
٭	بال جبرئیل			۱۹۳۴ء
٭	ضرب کلیم				۱۹۳۶
فارسی اردو
٭	ارمغان حجاز			۱۹۳۸ء
نثر				اردو
٭	علم الاقتصاد	لاہور نومبر	 ۱۹۰۴ء
٭	مقالات اقبال	مرتب: سید عبدالواحد معینی لاہور ،۱۹۶۳ء
٭	تصدق حسین تاج نا ترتیب تروکا مجموعہ ’’مضامین اقبال‘‘ 
					(حیدرآباد دکن ،۱۹۴۳)
کل اردو مقالہ وَ مضموناک دا مجموعہ ٹی شامل اریر۔
٭گفتار اقبال	مرتب: محمدرفیق افضل		لاہور ،۱۹۶۹ء
شاد اقبال		مرتب: محی الدین قادری زور	حیدرآباد دکن، ۱۹۴۲ء
اقبال نامہ، اول	مرتب: عطاء اللہ			لاہور ،۱۹۴۴ء
اقبال نامہ، دوم	مرتب: عطاء اللہ			لاہور ،۱۹۵۱ء
مکاتیب اقبال،	محمدنیاز الدین سین خان نا پنٹ		لاہور ،۱۹۵۴ء
مکتوبات اقبال	مرتب: نذیر نیازی			کراچی، ۱۹۵۷ء
انوار اقبال	مرتب: بشیر ڈار			کراچی ،۱۹۶۷ء
مکاتیب اقبال بنام گرامی 	مرتب: عبداللہ قریشی		کراچی، ۱۹۶۹ء
خطوط اقبال	مرتب: رفیع الدین ہاشمی		لاہور، ۱۹۶۷ء
مکاتیب اقبال گرامی نا اُرائی نا پنٹ	مرتب: حمیداللہ ہاشمی	   فیصل آباد ،۱۹۷۸
اقبال، جہاں دیگر		   مرتب: محمدفرید الحق ایڈووکیٹ    کراچی، ۱۹۸۳
نگارشات اقبال		        مرتب: زیب النسائ	     لاہور ،۱۹۹۳
انگریزی:
The Development of Metaphysics in Perisa لندن ۱۹۰۸ء
The Reconsctruction of Religious Thought in Islam 
						لندن ۱۹۳۴ء
شش خطبہ آتے آ تالان اولیکو ایڈیشن لاہور آن ۱۹۳۰ء ٹی چھاپ مسُس۔
Thoughts and Reflections of Iqbal 
				لاہور ۱۹۶۴ء مرتب: ایس اے واحد
Stray Reflections 	مرتب: جاوید اقبال لاہور، ۱۹۶۱ء
Speachs Writings and Statements of Iqbal 
			مرتب:لطیف احمد شروانی 	لاہور ۱۹۷۷ء
اقبال نا ہمو کل انگریزی نوشتہ غاتے و تقریراتے کہ داکان مُست مختلف مجموعہ آتا صورت ٹی چھاپ مرسا کریر دا مجموعہ ٹی اسہ ہند کننگانو۔
Letters of Iqbal مرتب:بشیراحمد ڈار	لاہور ۱۹۷۸ء
 
 
 
 
 
 
ضمیمہ :۳
حضرت علامہ اقبال مرحوم نا کلام و ذات نا سلسلہ ٹی براہوئی زبان و ادب نا کاریمک
 
۱۔براہوئی گچین (کلام اقبال) 		منظوم براہوئی بدل: پیرمحمد زبیراڑی
		 مطبوعہ حکومت پاکستان بارڈر پبلسٹی آرگنائزیشن ،۱۹۷۸
۲۔علامہ اقبال (حالات زندگی)	 ڈاکٹر عبدالرحمن براہوئی
		مطبوعہ براہوئی اکیڈمی پاکستان کوئٹہ ،۱۹۷۸ء
۳۔ای و اقبال	وحید زہیر	  مطبوعہ: براہوئی ادبی سوسائٹی کوئٹہ ،۱۹۸۸ء
۴۔اقبال او ورناک		میرصلاح الدین خان مینگل		
			مطبوعہ: براہوئی اکیڈمی پاکستان کوئٹہ، ۱۹۹۵ء
۵۔چناتا اقبال		(منظوم براہوئی بدل) محمد افضل مینگل
		مطبوعہ براہوئی اکیڈمی پاکستان کوئٹہ ،۱۹۹۸ء
۶۔اقبال و اسلام		پروفیسر سوسن براہوئی	
		مطبوعہ براہوئی اکیڈمی پاکستان کوئٹہ ،۱۹۹۹ء
۷۔اقبال و ننا مخلوق		میرمحمدصلاح الدین خان مینگل	 
		مطبوعہ براہوئی اکیڈمی پاکستان کوئٹہ، ۲۰۰۲ء
۸۔شکوہ و جواب شکوہ		(منظوم براہوئی بدل: ظفر مرزا)
		 مطبوعہ براہوئی اکیڈمی پاکستان کوئٹہ ،۲۰۰۲
۹۔شکوہ جواب شکوہ: 		(منظور براہوئی بدل: جوہر براہوئی) 
		مطبوعہ: شعبہ پاکستانی زبانیں، علامہ اقبال اوپن یونیورسٹی
		 اسلام آباد ،۲۰۰۲ء